حکومت کا کہنا ہے کہ نیگیٹو گیئرنگ اور کیپیٹل گینز ٹیکس میں تبدیلیوں کا مقصد رہائش کے بہتر مواقعے پیدا کرنا اور نوجوان نسل کے لیے گھروں کی خریداری کو منصفانہ بنانا ہے۔ لیکن بعض ماہرین خبردار کر رہے ہیں کہ یہ اصلاحات اُن آسٹریلینز لیے غیر متوقع نتائج بھی پیدا کر سکتی ہیں جو سرمایہ کاری کرنے اور پراپرٹی مارکیٹ میں داخل ہونے کی کوشش کر رہے ہیں۔
گھروں کی ملکیت حاصل کرنے کے لیے نوجوان آسٹریلینزں کی بڑھتی ہوئی تعداد اب روایتی راستوں سے ہٹ کر سوچ رہی ہے۔ کچھ لوگ دوسری ریاستوں میں ایسی جائیدادیں خرید رہے ہیں جہاں وہ خود رہنے کا ارادہ نہیں رکھتے، کچھ کرائے پر رہتے ہوئے دوسری سرمایہ کاری کر رہے ہیں، جبکہ کچھ لوگ ڈپازٹ جمع کرنے کے لیے خاندان کے ساتھ رہ رہے ہیں۔مگر حالیہ ٹیکس تبدیلیاں نوجوان سرمایہ کاروں کو بھی متاثر کر سکتی ہیں۔
اگرچہ کچھ افراد پُرامید ہیں کہ دو ہزار چھبیس کے وفاقی بجٹ میں اعلان کردہ نیگیٹو گیئرنگ اور کیپیٹل گینز ٹیکس اصلاحات تیزی سے بڑھتی قیمتوں اور سرمایہ کاروں کی طلب کو کم کرنے میں مدد دیں گی، لیکن دوسرے افراد کو خدشہ ہے کہ نئی پالیسیاں مارکیٹ میں داخل ہونے کے اُن کے راستے مزید پیچیدہ بنا سکتی ہیں۔
ماہرین کا کہنا ہے کہ کرایہ دار اور نوجوان سرمایہ کار اس صورتحال کے بیچ پھنس سکتے ہیں۔
