ہالینڈ پارک مسجد کو سب سے قدیم مسلسل عبادت کے لئے موجود مسجد کیوں تصور کیا جاتا ہے؟

جنت دین نے ایس بی ایس اردو سے گفتگو میں بتایا کہ ابتدائی طور پر بر صغیر سے آنے والے ہاکرز کی بڑی تعداد انگریزی سے نا بلد تھی ، ان افراد نے اپنی ہم زبان کمیونٹی سے رابطہ قائم رکھنے اور اپنے مذہب کو زندہ رکھنے کے لئے ہالینڈ پارک مسجد کی بنیاد رکھی۔

جنت دین کا کہنا ہے کہ وہ خود تاریخ کی استاد ہیں اور چاہتی تھیں کہ کوئینزلینڈ میں مسلمانوں کی آمد اور ہالینڈ پارک مسجد کی تاریخ کو محفوظ رکھنے کی کوشش میں کوئینز لینڈ مسلم میوزیم کا آغاز کیا ۔

انہوں نے بتایا کہ ہالینڈ پارک مسجد کو آسٹریلیا کی سب سے پرانی مسلسل عبادت کے لئے موجود مسجد اس لئے تصور کیا جاتا ہے کہ جب بھی مسجد کی تعمیر و توسیع کی گئی عبادت میں اور نماز میں خلل نہیں آیا ۔