امریکی صدر ڈونلڈ ٹرمپ نے کہا ہے کہ چینی صدر شی جن پنگ نے ایران کے ساتھ امن کے لیے مدد کی پیشکش کی ہے۔ دونوں رہنماؤں نے بیجنگ میں مذاکرات کے لیے ملاقات کی، یہ نو سالوں میں کسی امریکی صدر کا پہلا دورہ چین ہے۔
صدر ٹرمپ کا کہنا ہے کہ صدر شی بھی آبنائے ہرمز کو دوبارہ کھلتا دیکھنا چاہیں گے۔
مسٹر ٹرمپ نے چین کے 200 بوئنگ طیاروں کا آرڈر دینے کے منصوبے کی بھی تصدیق کی ہے، حالانکہ ابھی تک کسی بڑے معاہدے کا اعلان نہیں کیا گیا ہے۔
دونوں رہنما امریکی صدر کی واشنگٹن واپسی سے قبل چائے کے استقبالیہ میں شرکت کریں گے ۔
پناہ گزینوں اور مہاجرین کے وکلاء نے اپوزیشن لیڈر کی بجٹ جوابی تقریر کو تارکین وطن اور پناہ کے متلاشیوں کو ولن یا دشمن بنانے اور تقسیم کو بھڑکانے پر تنقید کا نشانہ بنایا ہے۔
اپوزیشن لیڈر اینگس ٹیلر نے آسٹریلیا کے عارضی امیگریشن ان ٹیک کو ملک بھر میں تعمیر ہونے والے نئے گھروں کی تعداد سے براہ راست جوڑ کر آسٹریلیا کی تاریخ میں امیگریشن میں سب سے بڑی کٹوتیوں میں سے ایک فراہم کرنے کا عزم ظاہر کیا ہے۔
ان کا کہنا ہے کہ صحیح تعداد انتخابات کے قریب سامنے آئے گی۔ انہوں نے اس بات کی بھی تصدیق کی کہ صرف آسٹریلوی شہری ہی فلاحی ادائیگیوں اور آسٹریلیا میں این ڈی آئی ایس تک رسائی کے اہل ہوں گے
