ایران میں ایک مظاہرین کو مبینہ طور پر حکومت مخالف وسیع پیمانے پر ہونے والے احتجاج میں شرکت کے الزام میں سزائے موت سنا دی گئی ہے۔اگرچہ امریکہ کی جانب سے ایران میں کسی ممکنہ کارروائی کے بارے میں کئی سوالات ابھی جواب طلب ہیں، مبصرین کا خیال ہے کہ ڈونلڈ ٹرمپ کسی قسم کی براہِ راست مداخلت کے لیے تیار ہیں۔
ٹرمپ کی مظاہرین کی کھلی حمایت اور ممکنہ امریکی کارروائیوں جن میں فوجی، سائبر اقدامات اور تجارتی پابندیاں شامل ہیں جن کے باعث خطے میں کشیدگی مزید بڑھ گئی ہے۔
فلسطینی نژاد آسٹریلوی مصنفہ رندا عبدالفطاح نے جنوبی آسٹریلیا کے وزیرِاعلیٰ کے خلاف ہتکِ عزت کی کارروائی کی دھمکی دی ہے۔ انسٹاگرام پر جاری بیان میں مصنفہ کا دعویٰ ہے کہ پیٹر ملیناؤسکس نے اُن کے بارے میں متعدد عوامی بیانات دیے، اُن کے کردار پر بات کی، اور یہ تاثر دیا کہ وہ انتہاپسند دہشت گردوں کی ہمدرد ہیں۔ محترمہ عبدالفطاح کے مطابق اُن کے وکلا نے اس کے جواب میں ریاستی رہنما کو باضابطہ کنسرنز نوٹس جاری کر دیا ہے۔ ساؤتھ آسٹریلین پریمئیر نے یہ تبصرے مبینہ طور پر اُس وقت کیے تھے جب ایڈیلیڈ رائٹرز فیسٹیول سے فلسطینی مصنفہ کو نکالے جانے کے خلاف بڑے پیمانے پر مصنیفین کی طرف سے بائیکاٹ جاری تھا۔ اس تنازعہ کے بعد ایڈیلیڈ رائٹرز فیسٹیول منسوخ کردیا گیا اور چئیرپرسن سمیت اسکے بورڈ کے تمام عہدے دار مستعفی ہوگئے
_______________
جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے
