spk_0
قصتي لكل واحد منا قصة ماهي قصتكم؟ في مصر ولد حلم صغير لفتى كان يرى نفسه مذيعا قبل أن تدفعه رغبة الأب لمقاعد الطب ومن ثم الهجرة الى أستراليا ليبدأ صفحة جديدة أنا على التميمي وهذه قصة المهاجر المصري الدكتور محمد عبدالله. والله أنا كان اسمي محمد أمين أو محمد رضا أحمد أمين أنا مصري مولود في محافظة محافظة الشرقية، أنا الولد الوحيد بين خمس بنات كان نفسي أكون مذيع زي حضرتك أو صحفي لكن اللي حصل إن والدي.
spk_0
في الثانوية العامة كان نفسه أكون طبيب فدخلت الحمد لله ربنا وفقني وكنت الأول فمجموعي دخلني مرتاح كلية الطب وتخرجت وعملت امتياز ما كنش لي تجنيد في الجيش عشان أنا الولد الوحيد عد التخرج دخلت العمل في المستشفى.
spk_0
تزوجت زوجتي كانت عايشة في أستراليا مصرية، وكان عندها يعني الثقافة الغربية من أب وأم، وكانوا عندهم تقاليد رجعوا مصر وزوجتي عندها عشر سنين. ولم أفكر في أستراليا أبدا في حينها.
spk_0
كنا يعني مرتاحين ماديا لأن أنا عندي عيادة وكده بس توفى حماي وكانت حماتي زعلانة و زوجتي زعلانة فأنا بحسن نية قلتلها لما أخلص الماستر نسافر أستراليا ونوفر لك الحياة اللي إنتي عايزاها في المجتمع اللي إنتي عايزة تعيشي فيه.
spk_0
كملت الماجستير وعملت خدمة في منطقة نائية في محافظة سيناء وكان عندنا طفلة عمرها أربع سنين بنتي المحامية نانسي عبد الله، أكثر حاجه كانت قلقاني في أستراليا هي إن أبدأ المشوار من ثاني بعد ما خلصت أصلا، بعد ما كانت والدتي توفت.
spk_0
قبل ما هاجر يعني قلت في بالي لازم أسافر برا وأشوف العالم والطب برا عامل ايه والحياة برا ايه. و اكتشفت بعد هجرتي أني لازك كان أدخل استراليا و أنا عارف حشتغل فين بدل ما أدور على شغل وده لقيته في الجاليات الهندية والباكستانية لما يقدم لشغل بيعملوله أو مقابلة وبعد كده.
spk_0
بيجي شغل بيشتغل على طول انا العكس أنا قدمت على الهجرة والسفارة مكانتش مدايني معلومات كافية كل ما سألهم أسئلة عن حعمل ايه قالولي لما تروح هناك حتعرف كل حاجة فسافرت وجينا وكانت مراتي حامل في الطفل الثاني وكانت عايزة تسافر قبل ما تولد عشان ما نعملش اجراءات سفر.
spk_0
وجاءت الطفلة الجديدة في شهر يونيو.
spk_1
طيب دكتور الآن وصلت على أستراليا على خير مع الأولاد وحانت لحظة زي ما تفضلت إثبات الوجود صادفك كثير من العقبات، لكن بالإرادة اجتزتها خبرنا ما بين المعادلة والوصول حتى أصبحت هل أنت اخترت تصير ولا كملت مشوار النسائية؟
spk_0
يعني عديت امتحان الإنجليزي.
spk_0
وعديته الحمد لله من أول مرة كنت اكتب جوابات ما كنش في انترنت كنت بكتب جوابات وأكتب نسخ منه وعشرين نسخة وابعتهم لكل مستشفيات أستراليا أو مستشفيات ملبورن بالتحديد كل مستشفى ومكانش يجيلي رد الا تنين تلاتة يقولي نحن نتأسف ما فيش. فكنت يعني بدأ اليأس.
spk_0
إلى قلبي وقعدت تقريبا سنة لأن امتحان اللغة كورس الأول ست شهور ما كانش عندي يعني أمل إن أنا أشتغل فأنا قلت أخذ الجنسية وأرجع مصر بدأت طبعا أروح أقابل بعض الأفراد في الجاليات المصرية واللبنانية كانوا لطاف جدا يساعدوك وواحد قال لي مرة يا بني في البلد دي ما حدش يجوع فيها بس أنا ما كنتش جعان.
spk_0
يعني أنا كان هدفي أني أنجح علميا وأتعلم وأعلم علميا أزود شهادتي أنا جاي أشتغل فقط مش جاي أعيش فالمهم من ضمن الطرائف اللي حصلت إن أنا بعد ما خلصت امتحان اللغة بقيت أدور على شغل فدخلت كل الفارماسي مش رغبة في المال لكن لأني كنت يعني مش عايز أقعد في البيت أصحى الصبح أفطر وبعدين ما فيش حاجة أعملها في حياتي كنت بتضايق كنت بحس إن أنا زي ما.
spk_0
يعني معوق يعني مش متخيل ان انا اقعد فاضي كده يعني عايز اشتغل لدرجة ان انا دخلت مرة محل قلت لصاحبة المحل انا عايز اشتغل ومش آخد منك فلوس فاستغربت، قلتلها انا عايز أتكلم مع الناس عايز احس ان انا دخلت جوا الناس عايز احس ان انا واحد منكم فقالتلي طب انا ليا شريك هسألها وأرد عليك. المهم كتبت الجوابات
spk_0
بكتبها كل فترة تقريبا كل شهرين كل شهر أكتب جوابات للمستشفى فكتبت الجوابات و دي كانت آخر محاولة بعد ما قعدت تقريبا سنة أو أكثر وقلت خلاص بقى دي اخر محاولة هرمي الجوابات ديه وارجع اشوف حعمل ايه فرميت الجوابات ما حطيتش عليها طابع كلها والجوابات يعني بقعد أكتب في الجواب مثلا ساعة وأضبط وأديله وبعدين اخذ منه صور فكانت يعني تاخد مني ثلاث أربع ساعات أجهز نفسي.
spk_0
ورميت الجوابات وحطيتها في الظرف وقلت والله خلاص بقى يعني تقريبا كنت خلاص فعدت أسبوعين كده بصيت لقيت فبصيت لقيت جواب موجود من موناش اللي هي جامعة موناش.
spk_0
اتلقيت جواب جايلي بيقولي احنا استقبلنا الجواب بتاعك وإحنا عندنا وظيفة يعني مش مركز عالي بس طبيب هتشتغل في المستشفى فقولت في نفسي أنا ما جطيتش طوابع إزاي وصلهم الظرف ماعرفش البريد خدها إزاي يمكن عشان هي رايحة مستشفيات ما عرفش المهم اتصلت بيهم فقالولي آه عندنا شغل ليك عندك بكرا نعملك مقابلة.
spk_0
آه جاتني الفرصة من خرم إبرة يعني فرصة من خرم
spk_1
إبرة. دكتور الآن ننتقل إلى مرحلة أخرى. الآن أثبتت وجودك بحمد لله دخلت في الفيلد الطبي الآن ننظر للدكتور محمد عبد الله من جانب آخر. كيف تأقلم مع الحياة الأسترالية.
spk_1
معك دكتور قلت لي أنا كنت لما بمشي بالسوق بسمع كلمة عربية بتلفت يمين وشمال خبرني عن هذه المفارقات
spk_0
طبعا هي حياتك في شغلك أو في أي مكان عام كله حواليك إنجليزي انت الوحيد غريب العربي، لكن كانت فعلا يعني.
spk_0
انت تسمع كلمة عربية كانت يعني زي ما يكون واحد عطشان وعايز نقطة مية بس فكنت أمشي فعلا اخش ال shopping center فاسمع الناس تتكلم عربي احس ان انا عايز اقرب منه أقوله تتكلم عربي انت منين انا عايز أكلم حسيت ان انا عايز أتكلم عربي عايز حد يكلمني عربي لغتي واللغة مش مجرد تخاطب.
spk_0
اللغة جزء منك يعني هي جزء من الشخصية أو التكوين بتاعنا في بلدنا.
spk_1
طيب دكتور الآن في بداية اللقاء ذكرت منذ صغرك كنت تتمنى أن تكون مذيعا، لكن رغبة الوالد أن تدرس الطب خسرناك كمذيع، لكنك بذكاء الآن تعوض هذا الموضوع أنشأت صفحة خاصة بعنوان لغتنا العربية. خبرنا عن هذه التجربة عن عشقك للشعر وللأدب.
spk_0
يعني فترة الثانوية العامة بالذات لما بدأنا نقرأ عن المتنبي و أبو تمام يعني أنا نفسي بدأت أكتب ألاقي روح ماسك ورق أو قلم بكتب شعر بكتب مقالات.
spk_0
فالأساس اللغة العربية يعني بدأوا يقدموني إن أنا أقول الكلمة و مستوى كويس محمد الكذا بدأت بالاحتفالات المولد النبوي أي احتفالات حرب أكتوبر الحاجات دي بدؤوا يطلبوا مني أقدم كلمة في الاذاعة بتاعت المدرسة لغاية ما جيت أستراليا هنا وأصبحت اللغة بالنسبة لي زي ما قلت لحضرتك ان انا أتحدث عربي فبدأنا في
spk_0
مجموعة من أصدقائي اللي هم دفعتي نتحدث اللغة نتكلم على الفيسبوك نعمل جروب تخرج فبدأت أكتب شعر وأبدأ أكتب القصة فلقيت في ناس معجبة وناس رافضة جات الفكرة في دماغي طب ما ليه أنا لما بكتب شعر أو بكتب بنشر شعر للشعراء اننا في ناس مش مستحسنة ونص مستحسنة ففضلت انا عارف مين بقى اللي بيحب يرد علي بحب يسمع الشعر.
spk_0
ويحب يتكلم ويعرض شعره، فقلت ليه ما نخرج بقى نعمل نعمل ايه نعمل جروب شاعري ده كان في ألفين وستاشر فبدأت ايه كتبت انا هعمل شاعر كنا كل يوم واحنا نخرج من المدرسة واحنا رايحين الكلية نسمع الراديو الصبح نسمع المذيع المشهور صاحب الصوت المشهور المرحوم الشاعر فاروق شوشة فلغة شوشة رائعة فأنا من تعلقي به ومن حبي.
spk_0
سميت الجروب على اسم برنامج فاروق لغتنا الجميلة وبدأ الجروب يكبر لغاية ما وصلت ما شاء الله تخطينا ستة آلاف
spk_1
إذن الدكتور محمد عبد الله كل الشكر لذكريات هذه الهجرة التي قاربت الثلاثين عاما من مصر إلى أستراليا.
spk_2
تمنيات التوفيق لكم في الأيام القادمة.
