她曾經是銀行文員，朝九晚五，生活如複印紙一樣重複。直到親人驟然離世，她決定走上喜劇舞台，她是 Stella Wu。一位由香港成長、在澳洲開展喜劇事業的亞洲女性喜劇演員，努力活出她的夢想人生。
Credit: Stella Wu
轉捩點：從傳統寫字樓走到舞台中央
Stella 最初同許多移民子女一樣，遵從家庭期望，到澳洲升學、畢業後搵份穩定工。「銀行啦，大學文員啦，啲好傳統、我阿媽會開心嘅工作。」
但人生嘅轉變，來得突然又殘酷。幾年前，Stella 親密的舅父突然離世，這場衝擊令她重新審視生活的意義。
「我舅父走咗之後，我就辭咗工，開始學棟篤笑。」Stella 承認，這是一場反傳統的叛逆，但也是一次對夢想的堅持。起初，她瞞住家人，白天扮返工，實際上去上喜劇課，表演半年後才向母親坦白。幸運地，母親最終理解並支持她追夢。
RAW Comedy 決賽：遲起步，也能發光
2024 年，Stella 打入全澳最大棟篤笑比賽 RAW Comedy 決賽。她坦言過程充滿波折：「準決賽冇入選，我返到屋企好失望。」但兩日後，她被抽中成為 wild card，成功站上決賽舞台。
對三十幾歲才踏入表演圈的 Stella 而言，這不只是比賽，而是自我認可的時刻。
澳洲人見面常說 “Did you watch the game?” Stella 將這句改編對亞洲人講 “Did you pass the test?”Stella Wu
跨文化喜劇：用笑話講日常偏見
Stella 的喜劇靈感，往往來自文化衝突與身份認同。她最受歡迎的笑話之一，就源自澳洲人見面常說的 “Did you watch the game?” Stella 將這句改編為 “Did you pass the test?” 對著亞洲人講，用幽默拆解社會對亞裔的既定印象。
她笑說，創作時多數以廣東話構思，再用英文編排節奏與詞語。「我係廣東話諗嘅，但英文表演，要諗清楚點樣講先有節奏。」
Credit: Stella Wu
女性與亞洲身份：打破喜劇的框框
「西方社會對女人，尤其係亞洲女人，有個想像：細聲、唔出聲、唔好笑。」Stella 坦言，剛入行時，曾被質疑能力，「但當你稍有突破，佢哋就覺得『好叻喎』。」
近年，她開始創作一個新主題的演出，探索亞裔社群內部的自我規限與框架。「有時啲限制唔係外界俾你，而係自己加諸自己身上。」
最感動的一刻：觀眾話「我嚟睇你㗎！」
在一次 Sydney Comedy Festival 演出，有觀眾家庭專程而來。當 Stella 問：「你哋嚟睇邊個？」對方答：「我哋嚟睇你㗎！」這句簡單對白，成為她至今最難忘的鼓舞。
「可以令到人哋笑，令到人鼓掌，會覺得自己做緊嘅嘢有意義。」Stella 說。
就算失敗都唔緊要，讓觀眾見到你嘅不完美，先係真正嘅勇氣Stella Wu
多謝踏出第一步的自己
如果可以對初上台的自己講一句話，Stella 會說：「多謝你，就算失敗都唔緊要，讓觀眾見到你嘅不完美，先係真正嘅勇氣。」
立即收聽今集《光影會客室》。
Credit: Stella Wu
SBS 中文堅守《SBS 行為守則》等政策，以繁體中文及簡體中文提供公平、公正、準確的新聞報道及時事資訊。SBS 廣東話及 SBS 普通話均已為大眾服務超過 40 年。歡迎在每天早上 9 至 11 時透過 SBS Radio 1 收聽廣東話節目及在每天早上 7 至 9 時收聽普通話節目，或透過 SBS Audio App 手機應用程式收聽直播、節目重溫及其他語音內容。按此進一步了解 SBS 中文。
