'Peb sib ntseeg siab': Coalition tau rov qab sib koom tom qab Ley thiab Littleproud muaj kev pom zoo tshiab

Tej coj ntawm pab nom Nationals thiab Liberals hais tias lawv pab nom koom tswj (Coalition) yuav koom ua ib pab nom ua ke mus sib tw xaiv nom rau cov kev xaiv tsa tsoom fwv teb chaws tshiab tom ntej no.

A woman speaks at a press conference with a man seen standing in the background.

Sussan Ley (right) and David Littleproud (left) agreed on a deal to restore senior Nationals to the frontbench. Source: AAP / Sitthixay Ditthavong

Mloog tau SBS Hmong ntawm no.

Liberal leader Sussan Ley uas yog tus coj pab nom Liberals thiab David Littleproud uas yog tus coj pab nom Nationals yeej tseem tuav lus meej tias ''lawv tseem ntseeg ib tug twg'' tom qab uas ob pab nom no tau pom zoo rau ib co kev sib khom tshiab rov qab los sib koom thiab los kho pab nom koom tswj (Coalition) tom qab uas tau sib tawg tau peb limtiam.

Hnub zwj Hnub (Sunday) thiaj ua rau ob pab nom no tau sib koom los nrog tej neeg nthuav xov xwm tham thiab qhia txog cov kev sib khom thaum ntxov, uas rov qab pub peb tug nom ntawm pab nom Nationals ua nom li qub tom qab uas lawv tau raug muab rho tawm nom los sis hais kom so hauj lwm vim tsis tawm suab raws li pab nom koom tswj tej cai uas tau sab laj ntau zaus txog hate speech laws.

Ley tau qhia rau pab nom Coalition tias "peb cia siab rau lub neej pem suab, tsis yog yav tag los".

Nws tau hais tias "Peb rov qab los sib koom ua pab nom koom tswj (Coalition) lawm. Yuav pab kom peb muaj zog dua. Thiab peb yeej tau daws tej teeb meem tsis sib haum xeeb lawm,"

"Peb yeej kub siab tiag tiag los ua pa bnom sawv cev rau neeg Australia thiab xyuas kom pab tau raws li lawv tej kev xav tau kev pab cuam, tej lawv xav kom ua thiab lawv tej kev cia siab. Lawv tsim nyog tau tej no raws li qhov tsim nyog tau lawm."

Lub caij tseem nrog tej neeg nthuav xov xwm tham ntawd ces tau muaj neeg nub txog tej xov xwm tias puas yog Littleproud tau hais kom Ley tawm tsis txhob ua tus coj, thiab seb lawv ob pab nom no puas sib ntseeg siab rau ib pab nom tsw, ces ob tug coj ntawm ob pab nom Nationals thiab Liberals thiaj teb tias.

Ley tau hais tias: "Yog mas, peb yeej tseem muaj kev sib ntseeg siab 100 feem pua, Kuv ntseeg David thiab kuv yeej ris txiaj thiab yeej hwm pab nom National Party tam li yog ib pab nom tseem ceeb ntawm ob pab nom no."

Littleproud tau hais tias "Ntshe kuv twb tsis sawv ntawm nod hnub no lawm yog tias kuv tsis ntseeg Susan, thiab yog kuv tsis ntseeg pab nom Liberal Party."

Ces thiaj tau rov qab muaj cov kev sib koom ntawm ob pab nom no lo sib sau ua pab nom koom tswj (Coalition) rau lub caij uas muaj tej xwm txheej hloov tig mus nyiam Australia pab nom right-wing political party li pab nom One Nationa Party ntau tuaj ntxiv tshaj pab tej neeg cov kev nyiam pab nom koom tswj lawm, raws li tau muaj qee cov kev ntsuam zej tsoom cov kev tawm tswv yim.

— With additional reporting from the Australian Associated Press.