Emily Clements uas yog ib tug neej niam ua tus tab nws lub cuab yig hais tias "tej nyiaj kuv tau $800 ib limtiam twg ntawm Centrelink twb raug coj mus ntiav tsev nyob lawm. Ces kuv yeej txuag tsis tau nyiaj dab tsi li. Tej nyiaj yuav siv tsuas tau ntawm kuv ntiam thiab txiv pab xwb, tshiab tsuas coj mus siv rau tej yam tsis nco faj yuav tau siv li kho log tsheb to xwb."
Yeej tseem muaj tej neeg muag tsev uas muaj nyiaj txog $600,000 uas tuaj yeem them nqe ntiav tsev nyob txwm ib xyoo ua ntej kiag kom lawv ntiav tau tsev nyob tuaj nrog yus sib tw ntiav tsev nyob thiab.Emily Clements uas yog tib tub leej niam tab nws lub cuab yig
"Kuv thiaj ua ib siab tso tseg tsis yuav tsev, thiab ua rau kuv mloog tias kuv ua tsis tau lub neej lawm, vim kuv yeej tsis muaj nyiaj los tu saib xyuas kuv tej me nyuam li."
National Shelter cov xov xwm tshiab teev txog cov kev ntiav tsev nyob qhia tias tej nqe ntiav tsev yeej tab tom kim thoob teb chaws, txawm tias kab theem paj nyob tus los zoo li yeej tsis tshua ntiav tau tsev nyob thiab. John Engeler uas yog tus coj lub koom haum no thiaj hais tias txhua theem nom tswv yuav tau tau koom tes pab.
Peb xav pom kom tsoom fwv teb chaws thiab tsoom fwv xeev sib pab tsim tej tsev ntiav rau tej neeg nyob, tsim tsab cai tswj cov kev ntiav tsev siv ntawm teb chaws no los yog siv lwm txoj xub ke pab ces kuj yuav pab tau thiab.John Engeler, CEO of National Shelter
Charlotte Karlsson-Jones uas yog tib tug poj niam tuaj nyob tau 20 xyoo ntawm Australia no hais tias ''kuv twb siv $1,200 ntawm tej nyiaj kuv khwv tau $2,000 ob limtiam twg coj mus ntiav tsev nyob lawm. Peb yeej paub los ntev tias tej poj niam muaj hnoob nyoog lawm yog cov yuav ras los ua tej neeg tsis muaj vaj tse nyob thiab yuav mus nyob ntawm tej tsev social housing. Yog li thiaj xav kom los nrhiav tsev rau tej poj niam no nyob."
Thiaj pom tias nroog Perth thiab Sydney thiaj yog ob lub nroog uas muaj neeg tsis muaj peev xwm ntiav tau tsev nyob ntau tshaj plaws vim tsis muaj tej vaj tse txaus.
Txawm li cas los Western Australia tus nom tswj tej dej num vaj tse hais tias nom tswv twb siv nyiaj yuav laug txog $6 billion los tsim tej vaj tse yuav laug txog 4,000 lub 4 xyoos dhau los no rau sawv daws nyob lawm. Tsoom fwv teb chaws los yeej qhia tias nws yeej muaj cov nyiaj $10 billion National Housing Future Funds los tsim kom tau vaj tse ntau tuaj ntxiv thiab yeej tau koom tes nrog tej nom tswv xeev los tsim kom tau tej vaj tse ntau tuaj ntxiv rau sawv daws ntiav nyob thiab.
