Txoj kev ua lub neej txhua hnub ntawm coob leej ntau tus neeg Australia yeej cuam tshuam txog cov kev siv tsev plob. Txawm tias yeej muaj tej tsev plob uas yog ib feem ntawm tej hauv paus txhim kho nroog rau zej tsoom siv los yeej ib txwm tsis tau txais kev nyab xeeb rau cov kev siv thiab tsis tshua muaj peev xwm siv tau thiab yeej nyuaj heev uas yuav nrhiav tau siv.
Cov kev txhob txwm tsis mus ua hauj lwm thiab tsis mus kawm ntawv, tsuas mus koom rooj sab laj luv luv, thiab cov kev haus dej tsawg thiab noj zaub mov tsawg: tej no yog qee cov kev txiav txim siab ntawm coob leej ntau tus neeg Australia ntsib vim rau qhov yeej tsis tshua muaj los yog nrhiav tau zej tsoom tej tsev plob siv.
Jeramy Hope uas yog tus tswj lub koom haum neeg puas cev Australia (People with Disability Australia) thiab yog tus tswj lub koom haum Specialist Disability Accommodation Alliance tau qhia rau SBS Examines tias cov kev muaj peev xwm nrhiav tau zej tsoom tej tsev plob siv thiab siv yam tau txais kev nyab xeeb yog ib co meej mom rau sawv daws.
Hope tau hais tias ''Qee cov teeb meem nyuam ces yog cov kev muaj peev xwm mus siv tau tsev plob yam muaj meej mom, yog cov kev muaj peev xwm mus siv tau ib qho chaw pab rau yus ntiag tug yam tsis muaj lwm tus cuam tshuam, uas muaj peev xwm siv tau tej tsev plob thiab siv tau yam nyab xeeb. Ntawm kuv ces, yog tej tsev plob uas kuv muaj peev xwm siv tau kuv lub tsheb zaum swb log thiab muaj peev xwm siv tau kuv lub laub muaj tes tuav plaub lub log mus siv."
Katherine Webber uas yog ib tug neeg teeb txheeb tau qhia rau SBS Examines tias zoo li zej tsoom tej tsev plob yeej tsis raug saib rau nqe pes tsawg.
Tej tsev plob tsuas yog ib yam kawg ntawm peb tej tswv yim thiab peb zej tsoom tej chaw thiab peb cov transport network xav txog xwb ... tab sis yog tej yam tseem ceeb heev yuav pab kom zej tsoom muaj feem koom thiab tsim kom muaj kev koom npoj.Katherine Webber, researcher and public toilets advocate
Nws tau hais ntxiv tias Australia yeej tseem tsis tau muaj cai los tswj zej tsoom tej tsev plob.
Webber tau hais tias "Yeej tsis muaj ib tsab cai teev tseg li tias yuav tsum teev zej tsoom tej tsev plob tam li yog ib feem ntawm zej tsoom tej chaw li, los sis yog ib feem ntawm peb tej public transport network li.
"Ces yog tias ho muaj cov kev sib cov nyom ntawm ntau pab pawg neeg siv, los yog yuav tau siv nyiaj kim heev los tswj, ces cia li muaj peev xwm muab zej tsoom ib lub tsev plob twg kaw yooj yim heev tsis yog yuav nrog xyuas kom muaj siv txuas ntxiv."
Toom xov xwm kaw ua suab limtiam no ces SBS Examines txheeb txog tias — cov kev siv zej tsoom tej tsev plob ho ua rau tsis tau txais vaj huam sib luag li cas?
Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page thiab mloog tau SBS Hmong Youtube.
