Neeg txum tim cov kev kawm; Suav lub khaub zeeg cua typhoon Nara; rub sij hawm rau NSW cov kev txheeb antisemitism thiab social cohesion; qhov chaw xaiv tsim Australia cov nkoj nuclear powered submarine; neeg Rohingya lub yeej thoj nam; WA tej se GST; hauj lwm ntawm Australia post; Netherlands cov kev tsis koom Eurovision Song Contest ua xyoo ob; Anglicare Australia tsab ntawv cej luam tshiab qhia tias Australia tej hluas khwv tau nyiaj tsawg tuaj ntxiv, muaj tej peev txheej teej tug tsawg tuaj ntxiv thiab tiv nuj nqe ntau tuaj ntxiv, tsuas muaj tsawg dua 40% ntawm tej hluas 25-37 xyoo thiaj yuav tsev xyoo 2021 xwb; cov khoom plig NITV Award; Meskas cov kev rau txim rau Iran; AEMO hais tias 10 xyoo ntxiv no ntshe tej data centres yuav siv hluav taws xob txog li 7 npaug; ScamWatch hais tias xyoo no twb muaj neeg Australia raug neeg phem dag poob nyiaj yuav laug txog AUD$190 million lawm; Thaib cov kev yuav tsis pub visa rau tej neeg ntoj ncig tsis hwm Thaib cai thiab tsim teeb meem rau tej lagluam ntoj ncig, Thaib tej zejzog thiab tej lagluam.
Christopher Luxon uas yog New Zealand tus thawj pwm tsav hais tias nws xav thov los tsim ib tsab ci yuav txwv tsis pub tej hluas hnoob nyoog qes dua 16 xyoo qhib cov social media account siv uas muaj lub hom phiaj los tiv thaiv cov kev sib thab sib zes hauv online, kom tej hluas tsis txhob tau seb tej content tsis zoo thiab kom tej hluas tsis txhob quav cov kev siv social media.
Txawm li cas los yeej tsis tau cov suab txhawb nqa txaus los tsim tau tsab cai no siv. Tab sis Mr Luxon hais tias:
''Kuv yeej tsis ua txog tias yuav yog ib co hauj lwm yooj yim los yog tsab cai no yuav yog ib tsab uas tsim tau zoo coj los siv. Peb yeej tsis muaj peev xwm txwv txiav tau txhua tus me nyuam kom tsis txhob siv social media, vim yeej yuav muaj ib txhia yeej yuav nrhiav tej xub ke lug. Tab sis yog tej yam tseem ceeb heev uas yam tsawg tsawg peb yuav tau sim seb tsim puas tau coj los siv. Vim yog tej yam yuav pab tau ntau yam rau coob leej ntau tus thiab yuav hloov peb cov kev lees paub txog cov kev siv no. Vim peb tej me nyuam tsis muaj cib fim zaum ob ntxiv ua lub neej tam li yog tej me nyuam ntxiv lawm. Ces kuv thiaj xav tias yog tej yam tsim nyog peb ua."
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
