भारतमा भइरहेको विश्वकप क्रिकेट प्रतियोगिताको पाँचौँ हप्तामा सोमबार, सात नोभेम्बरमा भएको खेलमा, बङ्गलादेशले श्रीलङ्कालाई ४२ ओभरमै पराजित गरी अङ्क तालिकामा सातौँ स्थानमा सरेको छ। बङ्गलादेश र श्रीलङ्का दुवैले अहिलेसम्म आठ खेलमा दुईमा मात्र विजय प्राप्त गर्न सफल भएका छन्। तर दक्षिण एसियाली यी दुई मुलुकहरू बिचको खेल विवादास्पद बनेको छ। श्रीलङ्काका ब्याट्सम्यान एन्जेलो म्याथ्युज एक दिवसीय क्रिकेटमा ‘टाइम्ड आउट’ को नियमका कारण आउट हुने पहिलो व्यक्ति भएका छन्। यसै बीच हाल भारतमा जारी आइसीसी क्रिकेट विश्वकप र नेपालले भर्खरै टी-ट्वेन्टी विश्वकपमा भाग लिन पाउने गरी पाएको सफलताका बारेमा नेपालका पूर्व राष्ट्रिय खेलाडी सुनाम गौतमसँगले एसबीएस नेपालीसँग गरेको कुराकानी सुन्नुहोस्।
हाम्रा थप अडियो प्रस्तुतिहरू पोडकास्टका रूपमा उपलब्ध छन्। यो नि:शुल्क सेवा प्रयोग गर्न तपाईंले आफ्नो नाम दर्ता गर्नु पर्दैन। पोडकास्टमा सामाग्री उपलब्ध हुनासाथ सुन्न यहाँ थिच्नुहोस्।
Share
