नेपाली महिला दृश्य कलाकार सरिता डङ्गोलका कलाहरू नेपालसँगै अस्ट्रेलिया, जापान अनि फ्रान्स लगायत विभिन्न देशहरूका प्रदर्शन भइसकेका छन्। त्रिभुवन विश्वविद्यालयबाट स्नातकोत्तर प्राप्त र पेसाले शिक्षिका पनि रहेकी उनी, अटिजम् भएका नेपाली महिलाहरूलाई कलाको माध्यमबाट सशक्त बनाउने अभियानमा पनि लागेकी छिन्, र ती अटिस्टिक महिलाहरूद्वारा कोरिएका कलाको प्रदर्शनी “सपनाका पाइलाहरू” केही समय अघि काठमाण्डूस्थित पाटन म्युजियममा सम्पन्न भएको थियो। उक्त प्रदर्शनी र आफ्नो कलामा प्रयोग हुने खुर्सानी लगायत विभिन्न बिम्बहरूको विषयमा सरिता डङ्गोलसँग संवाददाता गिरिश सुवेदीले गर्नुभएको कुराकानी सुन्नुहोस्।
हाम्रा थप अडियो प्रस्तुतिहरू पोडकास्टका रूपमा उपलब्ध छन्। यो नि:शुल्क सेवा प्रयोग गर्न तपाईंले आफ्नो नाम दर्ता गर्नु पर्दैन। पोडकास्टमा सामाग्री उपलब्ध हुनासाथ सुन्न यहाँ थिच्नुहोस्।
नोट: हामी तपाईँलाई जानकारी गराउन चाहन्छौँ कि यस कुराकानीमा व्यक्त गरिएका विचारहरू वक्ता स्वयम्का हुन् र यी विचारहरू प्रति एसबीएसको समर्थन वा विरोध छैन।
Share
