मेलबर्नस्थित सामुदायिक संस्था नेवा पुच: मेलबर्नको आयोजनामा ‘टेस्ट एन्ड ट्युन्स’ कार्यक्रम हालै सम्पन्न भएको थियो। आइतवार, जनवरी १८ मा एपिङमा आयोजित कार्यक्रममा नेवारी गीत-सङ्गीत, कुमारी नृत्य, बाँसुरी र धिमे बाजाको प्रस्तुति रहेको थियो। कार्यक्रमको मुख्य उद्देश्य करिब सात महिनादेखि बाँसुरी सिक्दै आएका विद्यार्थीहरूको तालिम औपचारिक रूपमा समापन गर्ने र नेवारी परम्परागत खाना र सङ्गीतलाई बहुसांस्कृतिक समुदाय समक्ष पस्कने रहेको संस्थाका आयोजक संजिब श्रेष्ठले एसबीएस नेपालीलाई बताएका छन्। श्रेष्ठ लगायत, बाँसुरी बजाउन सिकेका युवा प्रशिक्षार्थी तथा सहभागी केही सदस्यहरूसँग यसको महत्त्व र अनुभव लगायत विविध विषयमा गरिएको कुराकानी सुन्नुहोस्।
हाम्रा थप अडियो प्रस्तुतिहरू पोडकास्टका रूपमा उपलब्ध छन्। यो नि:शुल्क सेवा प्रयोग गर्न तपाईंले आफ्नो नाम दर्ता गर्नु पर्दैन। पोडकास्टमा सामाग्री उपलब्ध हुनासाथ सुन्न यहाँ थिच्नुहोस्।
नोट: हामी तपाईँलाई जानकारी गराउन चाहन्छौँ कि यस कुराकानीमा व्यक्त गरिएका विचारहरू वक्ता स्वयम्का हुन्।
Share
