विश्व रेडियो दिवसको अवसरमा एसबीएस नेपालीको रेडियो कार्यक्रममा गरिएको विशेष कुराकानीका क्रममा उनीहरूले रेडियोको महत्त्व कम नभएको बिचार राखेका हुन्।
सन् २०११ मा युनेस्कोले आफ्नो ३६ औँ सम्मेलनका क्रममा प्रत्येक फेब्रुअरी १३ तारिखलाई विश्व रेडियो दिवसका रूपमा मनाउने निर्णय गरे को थियो।
त्यस पश्चात् रेडियोको महत्त्व मानिसहरूलाई बुझाउने अभिप्रायले यो दिवस मनाउन थालिएको हो।
Radio and trust वा रेडियो र विश्वास भन्ने मूल नाराका साथ विश्व भर विविध कार्यक्रम गरेर यो दिवस मनाइएको थियो।
यस नाराले रेडियो र विश्वासलाई एकै ठाउँमा राखेको छ भने परिवर्तन, नवीनता र सम्पर्क लाई पनि रेडियोको क्षेत्रमा महत्त्वपूर्ण हुने सन्देश यस पटक विश्व रेडियो दिवसमा दिइएको थियो।
विश्व रेडियो दिवसकै अवसरमा अस्ट्रेलियाका विभिन्न राज्य तथा प्रदेशहरूमा नेपाली सामुदायिक कार्यक्रम सञ्चालन गरेको अनुभव बोकेका व्यक्तिहरूसँग कुरा गरेका थियौं।
क्यानबेरा, भिक्टोरिया, क्वीन्सल्याण्ड, र नर्दर्न टेरिटरीका हिमांशु प्रधान, प्रदीप तिमल्सिना, तिलक पोखरेल, केशव शर्मा र नितेशराज पन्तसँग रेडियोको महत्त्व र अहिलेको समयमा यसको सान्दर्भिकताबारे गरेको कुराकानी सुन्नुहोस्:
