Key Points
- ਮਹਿਲਾਵਾਂ ਨੂੰ ਪੁਰਸ਼ਾਂ ਦੇ ਮੁਕਾਬਲੇ ਵੱਖ-ਵੱਖ ਕਾਨੂੰਨੀ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਜਿਸ ਵਿੱਚ ਕੰਮ ਵਾਲੀ ਥਾਂ 'ਤੇ ਵਿਤਕਰਾ, ਪਰਿਵਾਰਕ ਹਿੰਸਾ ਅਤੇ ਵਿੱਤੀ ਅਸਮਾਨਤਾ ਸ਼ਾਮਲ ਹੈ।
- ਔਰਤਾਂ ਦੀਆਂ ਕਾਨੂੰਨੀ ਸੇਵਾਵਾਂ ਸੁਰੱਖਿਆ ਅਤੇ ਗੁਪਤਤਾ ਨੂੰ ਤਰਜੀਹ ਦਿੰਦੀਆਂ ਹਨ।
- ਦੇਸ਼ ਭਰ ਵਿੱਚ ਯੋਗ ਔਰਤਾਂ ਲਈ ਮੁਫ਼ਤ ਸੇਵਾਵਾਂ ਉਪਲਬਧ ਹਨ।
- ਵਿਸ਼ੇਸ਼ ਸੇਵਾਵਾਂ ਪ੍ਰਵਾਸੀ ਅਤੇ ਸ਼ਰਨਾਰਥੀ ਪਿਛੋਕੜ ਵਾਲੀਆਂ ਔਰਤਾਂ ਅਤੇ ਪਹਿਲੇ ਰਾਸ਼ਟਰ ਦੀਆਂ ਔਰਤਾਂ ਦੀ ਸਹਾਇਤਾ ਕਰ ਸਕਦੀਆਂ ਹਨ।
- Do women need specific legal support?
- Who can help with family violence?
- Who can help with workplace rights?
- Are there dedicated legal services for migrant and refugee women?
- Can I receive language support?
- Contacts to get you started
ਆਸਟ੍ਰੇਲੀਆ ਦੀ ਕਾਨੂੰਨੀ ਵਿਵਸਥਾ ਗੁੁੰਝਲਦਾਰ ਅਤੇ ਸਮਝਣ ਵਿੱਚ ਮੁਸ਼ਕਿਲ ਹੋ ਸਕਦੀ ਹੈ। ਮਹਿਲਾਵਾਂ ਦੇ ਲਈ ਚੁਣੌਤੀਆਂ ਹੋਰ ਵੀ ਵੱਧ ਜਾਂਦੀਆਂ ਹਨ। ਉਨ੍ਹਾਂ ਨੂੰ ਨਾ ਸਿਰਫ ਕਾਨੂੰਨੀ ਸਹਾਇਤਾ ਦੀ ਜ਼ਿਆਦਾ ਲੋੜ ਹੁੰਦੀ ਹੈ, ਬਲਕਿ ਇਸ ਨੂੰ ਪ੍ਰਾਪਤ ਕਰਨ ਵਿੱਚ ਉਨ੍ਹਾਂ ਨੂੰ ਜ਼ਿਆਦਾ ਰੁਕਾਵਟਾਂ ਦਾ ਵੀ ਸਾਹਮਣਾ ਕਰਨਾ ਪੈਂਦਾ ਹੈ।
ਇਨ੍ਹਾਂ ਚੁਣੌਤੀਆਂ ਨਾਲ ਨਜਿੱਠਣ ਲਈ, ਵਿਸ਼ੇਸ਼ ਮਹਿਲਾ ਕਾਨੂੰਨੀ ਸੇਵਾਵਾਂ ਇਹ ਯਕੀਨੀ ਕਰਦੀਆਂ ਹਨ ਕਿ ਮਹਿਲਾਵਾਂ ਨੂੰ ਜ਼ਿਆਦਾ ਲੋੜ ਸਮੇਂ ਸਹਾਇਤਾ ਮਿਲ ਸਕੇ।
ਕੀ ਮਹਿਲਾਵਾਂ ਨੂੰ ਖਾਸ ਕਾਨੂੰਨੀ ਸਹਾਇਤਾ ਦੀ ਲੋੜ ਹੈ?
ਐਡਰੀਅਨ ਵਾਲਟਰਜ਼, ਵਿਮੈਨਜ਼ ਲੀਗਲ ਸਰਵਿਸਿਜ਼ ਆਸਟ੍ਰੇਲੀਆ ਦੀ ਕਾਰਜਕਾਰੀ ਨਿਰਦੇਸ਼ਕ ਹੈ, ਇਹ ਸੇਵਾ ਸਾਰੀਆਂ ਮਹਿਲਾਵਾਂ ਦੇ ਲਈ ਨਿਆਂ, ਸੁਰੱਖਿਆ ਅਤੇ ਸਮਾਨਤਾ ਦੀ ਦਿਸ਼ਾ ਵਿੱਚ ਕੰਮ ਕਰਨ ਵਾਲੀ ਮਹਿਲਾ ਕਾਨੂੰਨੀ ਸੇਵਾਵਾਂ ਦਾ ਰਾਸ਼ਟਰੀ ਨੈਟਵਰਕ ਹੈ।
ਉਹ ਕਹਿੰਦੀ ਹੈ, “ਜੇਕਰ ਤੁਹਾਨੂੰ ਕੋਈ ਕਾਨੂੰਨੀ ਸਮੱਸਿਆ ਹੈ ਅਤੇ ਤੁਸੀਂ ਵਕੀਲ ਦਾ ਖਰਚਾ ਸਹਿਣ ਨਹੀਂ ਕਰ ਸਕਦੇ, ਤਾਂ ਤੁਹਾਡੇ ਰਾਜ ਜਾਂ ਪ੍ਰਦੇਸ਼ ਵਿੱਚ ਇੱਕ ਮਹਿਲਾ ਕਾਨੂੰਨੀ ਸੇਵਾ ਹੈ। ਜੇਕਰ ਉਹ ਸਹਾਇਤਾ ਨਹੀਂ ਕਰ ਸਕਦੇ ਤਾਂ ਉਹ ਤੁਹਾਨੂੰ ਹੋਰ ਸੇਵਾਵਾਂ ਦੇ ਬਾਰੇ ਵਿੱਚ ਵੀ ਜਾਣਕਾਰੀ ਦੇਣਗੇ।
ਮਿਸ ਵਾਲਟਰਜ਼ ਦੱਸਦੀ ਹੈ ਕਿ ਮਹਿਲਾ ਕਾਨੂੰਨੀ ਸੇਵਾ ਮੁਫਤ ਹੈ ਅਤੇ ਵੱਖ-ਵੱਖ ਮੁੱਦਿਆਂ ਉੱਤੇ ਸੁਰੱਖਿਅਤ ਅਤੇ ਗੁਪਤ ਸਹਾਇਤਾ ਯਕੀਨੀ ਬਣਾਉਂਦੀ ਹੈ।
ਪਰਿਵਾਰਕ ਹਿੰਸਾ ਵਿੱਚ ਕੌਣ ਮਦਦ ਕਰ ਸਕਦਾ ਹੈ?
ਵਿਮੈਨਜ਼ ਲੀਗਲ ਸਰਵਿਸਿਜ਼ ਵਲੋਂ ਅਪੁਆਇੰਟਮੈਂਟ ਦੀ ਸਹੂਲਤ ਦਿੱਤੀ ਜਾਂਦੀ ਹੈ ਅਤੇ ਪਰਿਵਾਰਕ ਹਿੰਸਾ ਸਬੰਧੀ ਹੁਕਮਾਂ ਅਤੇ ਪਰਿਵਾਰਕ ਕਾਨੂੰਨ ਮਾਮਲਿਆਂ ਵਿੱਚ ਤੁਹਾਡੇ ਨਾਲ ਅਦਾਲਤ ਵਿੱਚ ਹਾਜ਼ਰ ਹੋਣ ਲਈ ਵਕੀਲ ਦਾ ਪ੍ਰਬੰਧ ਕੀਤਾ ਜਾ ਸਕਦਾ ਹੈ । ਦੂਰ-ਦਰਾਜ ਦੇ ਖੇਤਰਾਂ ਵਿੱਚ ਰਹਿਣ ਵਾਲੀਆਂ ਔਰਤਾਂ ਲਈ ਆਨਲਾਈਨ ਸਹਾਇਤਾ ਉਪਲਬਧ ਹੈ।
ਮਿਸ ਵਾਲਟਰਜ਼ ਦੱਸਦੀ ਹੈ ਕਿ ਮਹਿਲਾ ਕਾਨੂੰਨੀ ਸੇਵਾ ਮੁਫਤ ਹੈ ਅਤੇ ਵੱਖ-ਵੱਖ ਮੁੱਦਿਆਂ ਉੱਤੇ ਸੁਰੱਖਿਅਤ ਅਤੇ ਗੁਪਤ ਸਹਾਇਤਾ ਯਕੀਨੀ ਬਣਾਉਂਦੀ ਹੈ।
ਅਸੀਂ ਉਨ੍ਹਾਂ ਮਹਿਲਾਵਾਂ ਦੀ ਮਦਦ ਕਰ ਰਹੇ ਹਾਂ ਹਾਂ ਜੋ ਅਸਥਾਈ ਵੀਜ਼ਿਆਂ 'ਤੇ ਹਿੰਸਾ ਤੋਂ ਬਚਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ, ਤਾਂ ਕਿ ਉਹ ਗੁੰਝਲਦਾਰ ਇਮੀਗ੍ਰੇਸ਼ਨ, ਪਰਿਵਾਰਕ ਕਾਨੂੰਨ, ਪਰਿਵਾਰਕ ਹਿੰਸਾ ਪ੍ਰਣਾਲੀਆਂ ਨੂੰ ਸਮਝ ਸਕਣ।ਐਡਰੀਅਨ ਵਾਲਟਰਜ਼
ਬਹੁਤ ਸਾਰੇ ਸਹਾਇਤਾ ਕਰਮਚਾਰੀ,ਫਸਟ ਨੇਸ਼ਨਜ਼ ਭਾਈਚਾਰਿਆਂ ਨਾਲ ਸਬੰਧਿਤ ਸੇਵਾਵਾਂ ਅਤੇ ਰੁਜ਼ਗਾਰ ਸਬੰਧੀ ਮੁੱਦਿਆਂ ਲਈ ਵੀ ਸਹਾਇਤਾ ਪ੍ਰਦਾਨ ਕਰ ਸਕਦੇ ਹਨ।
ਕੰਮ-ਕਾਜ ਵਾਲੀ ਥਾਂ ਦੇ ਅਧਿਕਾਰਾਂ ਵਿੱਚ ਕੌਣ ਮਦਦ ਕਰ ਸਕਦਾ ਹੈ?
ਜੇਕਰ ਤੁਸੀਂ ਕੰਮ ਵਾਲੀ ਥਾਂ ’ਤੇ ਜਿਸਮਾਨੀ ਸੋਸ਼ਣ, ਭੇਦਭਾਵ ਜਾਂ ਅਣ-ਉਚਿਤ ਬਰਖਾਸਤਗੀ ਦਾ ਸਾਹਮਣਾ ਕਰ ਰਹੀ ਹੋ ਤਾਂ ਤੁਹਾਡਾ ਸਥਾਨਕ ਕੇਂਦਰ ਤੁਹਾਡੇ ਅਧਿਕਾਰਾਂ ਅਤੇ ਵਿਕਲਪਾਂ ਨੂੰ ਸਮਝਣ ਵਿੱਚ ਤੁਹਾਡੀ ਸਹਾਇਤਾ ਲਈ ਮੌਜੂਦ ਹਨ।
ਆਇਰਾ ਫਿਰਦੌਸ, ਵਰਕਿੰਗ ਵਿਮੈਨਜ਼ ਸੈਂਟਰ ਆਸਟ੍ਰੇਲੀਆ ਵਿੱਚ ਵਕਾਲਤ ਅਤੇ ਨੀਤੀ ਅਧਿਕਾਰੀ ਹੈ, ਇਹ ਸੈਂਟਰ, ਵਰਕਿੰਗ ਵਿਮੈਨਜ਼ ਸੈਂਟਰਜ਼ ਦੀ ਰਾਸ਼ਟਰੀ ਇਕਾਈ ਹੈ।
ਰੁਜ਼ਗਾਰ ਸਬੰਧੀ ਮੁੱਦੇ ਉਦੋਂ ਹੋਰ ਵੀ ਗੁੰਝਲਦਾਰ ਹੋ ਸਕਦੇ ਹਨ ਜਦੋਂ ਤੁਸੀਂ ਪ੍ਰਵਾਸੀ, ਸ਼ਰਨਾਰਥੀ ਜਾਂ ਆਦਿਵਾਸੀ ਭਾਈਚਾਰੇ ਦੇ ਕਰਮਚਾਰੀ ਹੋ, ਕਿਉਂਕਿ ਇਨ੍ਹਾਂ ਸਾਰਿਆਂ ਨੂੰ ਆਮ ਤੌਰ ਉੱਤੇ ਖਰਾਬ ਕੰਮ ਕਾਜੀ ਸਥਿਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਸਾਡੇ ਕੇਂਦਰ ਵਿੱਚ ਆਉਣ ਵਾਲੀ ਉਹੀ ਮਹਿਲਾ ਜੋ ਜਿਨਸੀ ਸ਼ੋਸ਼ਣ ਦਾ ਅਨੁਭਵ ਕਰਦੀ ਹੈ, ਉਸਨੂੰ ਵੀ ਇਸ ਮੁੱਦੇ ਬਾਰੇ ਬੋਲਣ ਲਈ ਬਰਖਾਸਤ ਜਾਂ ਬਰਖਾਸਤ ਕੀਤਾ ਗਿਆ ਹੋ ਸਕਦਾ ਹੈ, ਜਾਂ ਉਸ ਨੂੰ ਤਨਖਾਹ ਚੋਰੀ ਦਾ ਵੀ ਅਨੁਭਵ ਕਰਨਾ ਪਿਆ ਹੋ ਸਕਦਾ ਹੈ।ਆਇਰਾ ਫਿਰਦੌਸ
ਤੁਹਾਡਾ ਸਥਾਨਕ ਸਹਾਇਤਾ ਕੇਂਦਰ ਤੁਹਾਨੂੰ ਹੋਰ ਮਦਦ ਜਿਵੇਂ ਕਿ ਰਿਹਾਇਸ਼ ਅਤੇ ਸਮਾਜਿਕ ਸੇਵਾਵਾਂ ਨਾਲ ਵੀ ਜੋੜ ਸਕਦਾ ਹੈ।
ਕੀ ਪ੍ਰਵਾਸੀ ਅਤੇ ਸ਼ਰਨਾਰਥੀ ਮਹਿਲਾਵਾਂ ਲਈ ਸਮਰਪਿਤ ਕਾਨੂੰਨੀ ਸੇਵਾਵਾਂ ਉਪਲਬਧ ਹਨ?
ਪ੍ਰਵਾਸੀ ਅਤੇ ਸ਼ਰਨਾਰਥੀ ਪਿਛੋਕੜ ਦੀਆਂ ਮਹਿਲਾਵਾਂ ਨੂੰ ਪ੍ਰਵਾਸ ਸਬੰਧੀ ਅਸੁਰੱਖਿਆ, ਵਿੱਤੀ ਦਬਾਅ ਜਾਂ ਪਰਿਵਾਰਕ ਹਿੰਸਾ ਨਾਲ ਨਜਿੱਠਣ ਵਿੱਚ ਮਦਦ ਪ੍ਰਾਪਤ ਕਰਨ ਵਿੱਚ ਅਕਸਰ ਵਧੇਰੇ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਮਿਸ ਵਾਲਟਰਜ਼ ਦਾ ਕਹਿਣਾ ਹੈ ਕਿ ਆਸਟ੍ਰੇਲੀਆ ਭਰ ਵਿੱਚ ਮਹਿਲਾ ਕਾਨੂੰਨੀ ਸੇਵਾ ਕੇਂਦਰ ਮੌਜੂਦ ਹਨ, ਜੋ ਪ੍ਰਵਾਸ ਪ੍ਰਣਾਲੀ ਨੂੰ ਸਮਝਣ ਅਤੇ ਉਸ ਵਿੱਚ ਮਾਰਗਦਰਸ਼ਨ ਕਰਨ ਵਿੱਚ ਮੁਹਾਰਤ ਰੱਖਦੇ ਹਨ।
ਕਾਮਨਵੈਲਥ ਅਤੇ ਵਿਕਟੋਰੀਆਈ ਸਰਕਾਰਾਂ ਵਲੋਂ ਫੰਡ ਪ੍ਰਾਪਤ, ਇਨਟੱਚ ਮਹਿਲਾ ਕਾਨੂੰਨੀ ਕੇਂਦਰ ਇੱਕ ਭਾਈਚਾਰਕ ਕਾਨੂੰਨੀ ਸੇਵਾ ਹੈ ਜੋ ਵਿਸ਼ੇਸ਼ ਤੌਰ ਉੱਤੇ ਵਿਕਟੋਰੀਆ ਵਿੱਚ ਰਹਿਣ ਵਾਲੀਆਂ ਪ੍ਰਵਾਸੀ ਅਤੇ ਸ਼ਰਨਾਰਥੀ ਮਹਿਲਾਵਾਂ ਨੂੰ ਸਹਾਇਤਾ ਪ੍ਰਦਾਨ ਕਰਦੀ ਹੈ। ਆਈਜ਼ੇਲਾ ਸਿਸਕੋਵਿਕ ਇਸ ਦੀ ਮੁੱਖ ਵਕੀਲ ਹੈ।
ਮਿਸ ਸਿਸਕੋਵਿਕ ਦੱਸਦੀ ਹੈ ਕਿ ਇਨਟੱਚ ਮਹਿਲਾ ਕਾਨੂੰਨੀ ਕੇਂਦਰ ਪਰਿਵਾਰਕ ਹਿੰਦਾ, ਪਰਿਵਾਰਕ ਕਾਨੂੰਨ ਅਤੇ ਪ੍ਰਵਾਸ ਨਾਲ ਜੁੜੇ ਮਾਮਲਿਆਂ ਵਿੱਚ ਮੁਫਤ, ਸਥਾਨਕ ਭਾਸ਼ਾ ਵਿੱਚ ਅਤੇ ਸੱਭਿਆਚਾਰਕ ਰੂਪ ਵਿੱਚ ਲੋੜੀਂਦੀ ਕਾਨੂੰਨੀ ਸਲਾਹ ਅਤੇ ਨੁਮਾਇੰਦਗੀ ਪ੍ਰਦਾਨ ਕਰਦਾ ਹੈ।
ਕੀ ਮੈਨੂੰ ਭਾਸ਼ਾ ਸਬੰਧੀ ਸਹਾਇਤਾ ਮਿਲ ਸਕਦੀ ਹੈ?
ਮਿਸ ਵਾਲਟਰਸ ਦਾ ਕਹਿਣਾ ਹੈ ਕਿ ਮਹਿਲਾ ਕਾਨੂੰਨੀ ਸੇਵਾਵਾਂ ਭਾਸ਼ਾ ਸਬੰਧੀ ਰੁਕਾਵਟਾਂ ਦਾ ਸਾਹਮਣਾ ਕਰਨ ਵਾਲੀਆਂ ਔਰਤਾਂ ਦੀ ਸਹਾਇਤਾ ਲਈ ਵੀ ਸਮਰੱਥ ਹਨ।
"ਤੁਸੀਂ ਆਪਣੀ ਅਪੁਆਇੰਟਮੈਂਟ ਜਾਂ ਅਦਾਲਤ ਵਿੱਚ ਤੁਹਾਡੀ ਮਦਦ ਕਰਨ ਲਈ ਇੱਕ ਦੁਭਾਸ਼ੀਏ ਦੀ ਬੇਨਤੀ ਕਰ ਸਕਦੇ ਹੋ ਅਤੇ ਜੇਕਰ ਤੁਸੀਂ ਕਾਨੂੰਨੀ ਤੌਰ 'ਤੇ ਸਹਾਇਤਾ ਪ੍ਰਾਪਤ ਕਰ ਰਹੇ ਹੋ ਜਾਂ ਤੁਹਾਡੇ ਕੋਲ ਦੁਭਾਸ਼ੀਏ ਲਈ ਆਮਦਨ ਨਹੀਂ ਹੈ, ਤਾਂ ਅਕਸਰ ਅਜਿਹੇ ਤਰੀਕੇ ਹੁੰਦੇ ਹਨ ਜਿਨ੍ਹਾਂ ਨਾਲ ਤੁਸੀਂ ਉਸ ਸੇਵਾ ਨੂੰ ਮੁਫ਼ਤ ਵਿੱਚ ਪ੍ਰਾਪਤ ਕਰ ਸਕਦੇ ਹੋ।"
ਸ਼ੁਰੂਆਤ ਕਰਨ ਲਈ ਸੰਪਰਕ
Women's Legal Services (ਰਾਜ ਜਾਂ ਪ੍ਰਦੇਸ਼)
Working Women's Centre Australia(ਰਾਜ ਜਾਂ ਪ੍ਰਦੇਸ਼) ਜਾਂ ਸੂਚੀਬੱਧ 1800 ਨੰਬਰ 'ਤੇ ਫ਼ੋਨ ਕਰੋ
inTouch Women’s Legal Centre(ਸਿਰਫ਼ ਵਿਕਟੋਰੀਆ) ਜਾਂ 1800 755 988 'ਤੇ ਫ਼ੋਨ ਕਰੋ
ਖੇਤਰੀ ਅਤੇ ਦੂਰ-ਦੁਰਾਡੇ ਦੇ ਖੇਤਰ
ਖੇਤਰੀ ਅਤੇ ਦੂਰ-ਦੁਰਾਜ ਦੇ ਖੇਤਰਾਂ ਵਿੱਚ ਰਹਿਣ ਵਾਲੀਆਂ ਮਹਿਲਾਵਾਂ ਔਨਲਾਈਨ ਸੂਚੀਬੱਧ ਕਾਨੂੰਨੀ ਸਹਾਇਤਾ ਕਮਿਸ਼ਨਾਂ ਅਤੇ ਭਾਈਚਾਰਕ ਕਾਨੂੰਨੀ ਕੇਂਦਰਾਂ ਦੇ ਵਸੀਲੇ ਨਿੱਜੀ ਰੂਪ ਵਿੱਚ, ਔਨਲਾਈਨ ਜਾਂ ਫੋਨ ਰਾਹੀਂ ਸਹਾਇਤਾ ਪ੍ਰਾਪਤ ਕਰ ਸਕਦੀਆਂ ਹਨ।
ਯਾਦ ਰੱਖੋ ਕਿ ਪੂਰੇ ਆਸਟ੍ਰੇਲੀਆ ਵਿੱਚ ਮੁਫਤ, ਗੁਪਤ ਕਾਨੂੰਨੀ ਸਹਾਇਤਾ ਉਪਲਬਧ ਹੈ।
ਸਮਾਂ ਰਹਿੰਦਿਆਂ ਸੰਪਰਕ ਕਰਨ ਨਾਲ ਤੁਹਾਨੂੰ ਆਪਣੇ ਅਧਿਕਾਰਾਂ ਅਤੇ ਵਿਕਲਪਾਂ ਨੂੰ ਸਮਝਣ ਵਿੱਚ ਮਦਦ ਮਿਲ ਸਕਦੀ ਹੈ।
ਜੇਕਰ ਤੁਸੀਂ ਤਤਕਾਲ ਖਤਰੇ ਵਿੱਚ ਹੋ, ਤਾਂ ਟ੍ਰਿਪਲ ਜ਼ੀਰੋ ਉੱਤੇ ਕਾਲ ਕਰੋ। ਗੁਪਤ ਸਹਾਇਤਾ ਲਈ 1800 737 732 ਉੱਤੇ 1800ਰਿਸਪੈਕਟ ਨਾਲ ਵੀ ਸੰਪਰਕ ਕਰ ਸਕਦੇ ਹੋ।
ਆਸਟ੍ਰੇਲੀਆ ਵਿੱਚ ਆਪਣੀ ਨਵੀਂ ਜ਼ਿੰਦਗੀ ਵਿੱਚ ਸੈਟਲ ਹੋਣ ਬਾਰੇ ਵਧੇਰੇ ਕੀਮਤੀ ਜਾਣਕਾਰੀ ਅਤੇ ਸੁਝਾਵਾਂ ਲਈ ਆਸਟ੍ਰੇਲੀਆ ਐਕਸਪਲੇਨਡ ਪੋਡਕਾਸਟ ਨੂੰ ਸਬਸਕ੍ਰਾਈਬ ਕਰੋ ਜਾਂ ਫਾਲੋ ਕਰੋ।
ਕੀ ਤੁਹਾਡੇ ਕੋਈ ਸਵਾਲ ਜਾਂ ਵਿਸ਼ੇ ਦੇ ਵਿਚਾਰ ਹਨ ਤਾਂ australiaexplained@sbs.com.au ਉਤੇ ਇੱਕ ਈਮੇਲ ਭੇਜੋ।
