ඔස්ට්‍රේලියාවේ Northern Territory වෙත පදිංචියට යන උදවියට $15,000 ක් දක්වා මුදල් තෑගී.(SBS සිංහල/වාර්තා)

Northern Territory රජයේ මෙම තීරණයට අනුව එක් පුද්ගලයෙකුට $3000 ක්ද යුවලකට $6000 ක්ද පවුලකට $7000 ක්ද ලබා දීමට නියමිතය.

NT government offers cash incentive to boost Territory’s population.

Source: Flickr

වික්ටෝරියා, නිව් සවුත් වේල්ස් වැනි ඔස්ට්‍රේලියාවේ ඇතැම් ප්‍රාන්තවල ජනගහනය ශීග්‍රයෙන් ඉහළ යන අතර Northern Territory, ටස්මේනියා, දකුණු ඔස්ට්‍රේලියාව වැනි ප්‍රාන්ත වල තත්ත්වය ඊට හාත්පසින්ම වෙනස්ය.

මේ හේතුවෙන් එම ප්‍රාන්ත වල මිනිසුන් පදිංචි කරවීමට ඒ ඒ ප්‍රාන්ත රජයන් විවිධ උපක්‍රම යොදයි.

SBS සිංහල Facebook පිටුව - www.facebook.com/sbssinhalese

“SBS සිංහල ගුවන් විදුලිය - සමස්ත ඔස්ට්‍රේලියාවටම ඇහෙන එකම සිංහල ගුවන් විදුලිය”

Northern Territory රජයද එවැනි උපක්‍රමයක් හඳුන්වා දී ඇති බව ABC පුවත් වෙබ් අඩවිය වාර්තා කරයි.

Northern Territory හි ජනගහනය සහ ආර්ථිකය වර්ධනය කිරීමේ අරමුණින් එහි පදිංචි වීමට පැමිණෙන පුද්ගලයින්ට හා පවුල් වලට මුදල් ලබා දීමේ වැඩපිළිවෙලක් Northern Territory රජය ක්‍රියාත්මක කිරීමට යයි.

تعاني حكومة المقاطعة الشمالية من ازمة مالية طاحنة دفعتها لزيادة الرسوم و الضرائب و تقليص الخدمات Source: Flickr

මුදල් තෑගී

Northern Territory රජයේ මෙම තීරණයට අනුව එක් පුද්ගලයෙකුට $3000 ක්ද යුවලකට $6000 ක්ද පවුලකට $7000 ක්ද ලබා දීමට නියමිතය.

එමෙන්ම Northern Territory රජය නම් කර ඇති "high priority jobs" හෙවත් ඉහළ ප්‍රමුඛතා රැකියා සඳහා පැමිණෙන පවුල් හට වසර 5 ක් පුරාවට $15,000 ක් පමණ ලබා දීමටද Northern Territory රජය අපේක්ෂා කරයි.

Northern Territory හි ප්‍රධාන අමාත්‍ය Michael Gunner, Northern Territory හි නව ජනගහන වර්ධන සැලැස්ම පසුගිය මස අගදී එළි දක්වමින් මේ බව අනාවරණය කළේය.

මේ හරහා ඉදිරි වසර 10 තුළ Northern Territory හි රැකියා 21,000 ක් උත්පාදනය කරමින් එහි ආර්ථිකයට ඩොලර් බිලියන 10 ක් එක් කිරීම ඔහුගේ අරමුණ වේ.

මේ සඳහා ලියා පදිංචි වීමට එළඹෙන නොවැම්බර් 01 වන දින සිට හැකි බවද සඳහන්.