ඔස්ට්‍රේලියාවේ ප්‍රධාන නගර බොහොමයකම නිවාස මිල ඉහළ යමින් පවතින බව වාර්තා වේ.
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදා පෙ.ව 11 සිට 12 දක්වා (ඕස්ට්‍රේලියානු වේලාවෙන්)
SBS Radio APP එකෙන් (Free download)
ඒ අනුව පසුගිය මාස 19 ඇතුළත වාර්තාවූ ඉහළම සාමාන්‍ය මධ්‍යන නිවාස මිල වර්ධනය මේ වන විට වාර්තා වී තිබේ.
Source: AAP
නිවාස මිල ඉහළට
2019 ඔක්තෝබර් මාසයේදී ඔස්ට්‍රේලියාවේ ජාතික මට්ටමින් නිවාස මිල ඉහල නැගුම 1.7% කින් වර්ධනය වී ඇති බව CoreLogic home value දර්ශකය පෙන්වා දෙයි.
ඔස්ට්‍රේලියාවේ ආර්ථිකය පසුබෑමකට ලක්ව ඇති කාලයක මෙවැනි ආකාරයේ නිවාස මිල ගණන් ඉහළ යාම ඔස්ට්‍රේලියාවේ නිවාස වෙළෙඳ පොළේ ධනාත්මක භාවය පෙන්නුම් කෙරෙන ප්‍රබල සාධකයක් බව නිවාස හා දේපළ වෙළෙඳාම් ක්ෂේත්‍රයේ ප්‍රවීණයෝ පවසති.
2018 අප්‍රේල් මාසයෙන් පසුව ඔස්ට්‍රේලියාවේ ජාතික නිවාස මිල අගය ඉහළ ගිය පළමු අවස්ථාව මෙය බව CoreLogic ආයතනයේ පර්යේෂණ ප්‍රධානී Tim Lawless, ABC පුවත් සේවයට පැවසීය.
පසුගිය කාලයේ තුන්වරක් පොළී අනුපාතික 0.25% බැගින් කප්පාදු කිරීම සහ එය මේ වන විට 0.75% මට්ටමේ තිබීම මෙම මිල ඉහළ යාමට ප්‍රධාන හේතුව බව ඔහු පෙන්වා දුන්නේය.
ඊට අමතරව ආදායම් බදු පිළිබඳවූ අස්ථිර වාතාවරණය දුරු කිරීම තවත් හේතුවක් බව CoreLogic ආයතනයේ පර්යේෂණ ප්‍රධානී Tim Lawless පැවසීය.
What are the opportunities and benefits provided to home buyers in Australia by this Federal Budget? Source: AAP
ප්‍රධාන නගර වල නිවාස මිල ගණන් ඉහළ යාම
2019 වසරේ නොවැම්බර් මාසයේදී ඔස්ට්‍රේලියාවේ ජාතික මට්ටමින් නිවාස මිල ගණන් ඉහළ ගිය ප්‍රතිශතය 1.7% ක් ලෙස වාර්තා වේ.
එමෙන්ම පසුගිය නොවැම්බර් මාසයේදී ඔස්ට්‍රේලියාවේ ප්‍රධාන නගර වල නිවාස මිල ගණන් ඉහළ ගිය අයුරු පහත පරිදිවේ.
සිඩ්නි - 2.7%
මෙල්බර්න් - 2.2%
බ්‍රිස්බේන් - 0.8%
ඇඩිලේඩ් - 0.5%
පර්ත් - 0.4%
හෝබාර්ට් - 2.3%
කැන්බරා - 1.6%
Source: SBS Sinhala
