کرس بیری سابق دفاعی افواج کے سربراہ اور آسٹریلین سکیورٹی لیڈرز کلائمیٹ گروپ کے ایگزیکٹو ممبر ہیں۔ایک ایسے وقت جب آسٹریلیا ایک غیر یقینی اور کشیدہ جیوپولیٹیکل منظرنامے سے گزر رہا ہے، مسٹر بیری کا کہنا ہے کہ موسمیاتی تبدیلی سے بڑا کوئی خطرہ نہیں۔
آسٹریلین سکیورٹی لیڈرز کلائمیٹ گروپ کی رپورٹ میں بتایا گیا ہے کہ موسمیاتی بگاڑ آسٹریلیا کا سب سے بڑا خطرہ ہے
رپورٹ کے مطابق، موسمیاتی تبدیلی پوری دنیا کے لئے وجودی خطرہ ہے مگر آسٹریلیا جیسے ملک کے لئے ایک فوری قومی سلامتی کا خطرہ بھی ہے۔
اسی دوران، نیشنل پارٹی کے سینیٹر میٹ کینوان نے نیٹ زیرو اخراج اہداف کو منسوخ کرنے کے لیے ایک الگ بل متعارف کرانے کا اعلان کیا۔
مسٹر کینوان کا بل نیشنل ایم-پی بارنیبی جوائس کے ایوان میں پیش کردہ بل سے الگ ہے۔
ماہرین کی وارننگز کو مسترد کرتے ہوئے، کینوان نے اسکائی نیوز کو بتایا کہ نیٹ زیرو حاصل کرنے سے آسٹریلین عوام کو کچھ حاصل نہیں ہو گا۔
آسٹریلین آرمی کے سابق کرنل نیل گریٹ کہتے ہیں کہ اگر آسٹریلیا کو بڑھتے ہوئے شدید موسمی واقعات کا سامنا کرنا پڑا تو وہ کسی اور خطرے کے خلاف اپنی حفاظت نہیں کر سکے گا۔
___
جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے۔
