کیا آپ کسی اور کے باغ سے پھل توڑ سکتے ہیں؟

• کیا میں کسی دوسرے کے باغ یا کیاری سے پیداوار لے سکتا ہوں؟
• اگر میں کسی کے باغ میں پیداوار دیکھوں تو کیا اچھے آداب ہونا چاہیے؟
• کیا میں اپنی جائیداد یا گھر کے باہر کنارے پر خود پیداوار اگا سکتا ہوں؟
• کمیونٹی گارڈن کیا ہے؟
• کمیونٹی گارڈن کے کیا فوائد ہیں؟

کیا میں کسی اور کے باغ یا کیاری سے پھل یا اجناس لے سکتا ہوں؟

اگر آپ کسی کے باغ میں پکے ہوئے پھل دیکھیں تو انہیں توڑنے کے لئے دل للچا سکتا ہے

لیکن جیسا کہ جیراڈ ڈگن، جو فریمنٹل شہر میں کمیونٹی سیفٹی ٹیم کے سربراہ ہیں، وضاحت کرتے ہیں، کسی اور کے باغ سے پیداوار لینا غیر قانونی ہے۔

"حقیقت میں کسی کی اجازت کے بغیر کسی کی جائیداد پر جانا قانونی نہیں ہے۔ لہٰذا جواب ہے ’نہیں‘، آپ کسی کی زمین پر جا کر ان کی جائیداد سے کچھ بھی نہیں لے سکتے کیونکہ یہ درحقیقت چوری یا حد سے تجاوز کرنا سمجھا جا سکتا ہے،" جیراڈ ڈوگن کہتے ہیں۔

دوسرے الفاظ میں، ہمیشہ پیداوار لینے سے پہلے جائیداد کے مالک سے پوچھ لیں۔ یہی اصول عام طور پر کسی کے گھر کے باہر اگنے والی سبزیوں پر بھی لاگو ہوتا ہے۔

"کیاری کے بارے میں، بھی، یہ قانونی یا جائز نہیں کہ کچھ بھی لیا جا سکتا ہے۔ مجھے معلوم ہے یہ کونسل کی زمین ہے، لیکن آپ کو واقعی کسی بھی چیز کو کیاری سے ہٹانے یا نکالنے کے لیے اجازت درکار ہوتی ہے،" مسٹر ڈگن کہتے ہیں۔

"آپ کو اس شخص کی اجازت چاہیے جو یا تو جائیداد میں رہ رہا ہو یا اس کا مالک ہو۔ یہ کونسل کی طرف سے نہیں آتا۔ یہ اصل میں اسی شخص کی طرف سے ہے۔"

کسی کے باغ میں سبزیاں یا پھل دیکھنے پر کیا شائستہ رویہ اختیار کرنا چاہیے؟

اگر آپ کسی کے باغ یا کیاری سے سبزیاں یا پھل لینا چاہتے ہیں، تو پہلا قدم بالکل آسان ہے: پوچھیں۔

"آپ کو ہمیشہ اجازت کی ضرورت ہوگی، آپ ان کے دروازے پر جا کر دستک دے کر یا پھر ان کے لئے ایک مہذب نوٹ چھوڑ کر اجازت حاصل کر سکتے ہیں۔ اور اگر آپ کو اجازت مل بھی جاتی ہے، تو ان سے یہ پوچھنا یقیناً بہتر ہوگا کہ آپ کتنا لے سکتے ہیں اور پودے کو نقصان نہ پہنچائیں،" مسٹر دوگان کہتے ہیں۔

بہت سے لوگ اپنی زائد پیداوار بانٹنے میں خوشی محسوس کرتے ہیں، خاص کر جب آپ نے پہلے اجازت مانگی ہو۔ کچھ لوگ تو یہاں تک کرتے ہیں کہ پھل یا سبزیاں باہر چھوڑ دیتے ہیں، ساتھ میں ایک علامتی پیغام کے ساتھ جن میں دوسروں کو لینے کی دعوت دی گئی ہو۔

" مثال کے طور پر، آپ سڑک پر جا رہے ہوں اور آپ کو کنارے پر ایک چھوٹا کارڈ بورڈ کا ڈبہ نظر آتا ہو جس پر لکھا ہو 'مفت' اور وہ لیموؤں سے بھرا ہوا ہو، تو یہ واضح نشانی ہے کہ وہ مفت میں یہ دے رہے ہیں۔ اس صورت میں، آپ کو اجازت کی ضرورت نہیں ہوتی،" مسٹر دوگان کہتے ہیں۔

یہی وہ کام ہے جو رہائشی اینڈریا سیوبا اپنے مضافات نیڈلینڈز، پرتھ میں باقاعدگی سے کرتی ہیں۔

"میرے پاس پچھلے باغ میں ایک بہت پرانا لیموں کا درخت ہے اور میں خوش قسمت ہوں کہ ہر سال یہ بہت زیادہ پھل دیتا ہے۔"

کیا میں اپنے گھر کے باہر کیاری ہا نیچر اسٹرپ پر پھل اگا سکتا ہوں ؟

گھر کے باہر کی کیاری ، یا نیچر سٹرپ عموماً عوامی زمین ہوتی ہے جو مقامی کونسل کے زیر انتظام ہوتی ہے۔ تاہم، اس سے ملحقہ مکان کا مالک یا مکین عمومًا معمول کی دیکھ بھال جیسے گھاس کاٹنے کے ذمہ دار ہوتے ہیں۔

آپ کو اپنے نیچر اسٹرپ پر پھل، سبزیاں یا جڑی بوٹیاں اگانے کی اجازت ہے یا نہیں، یہ آپ کی مقامی کونسل کے قواعد پر منحصر ہوتا ہے۔

"یہ اصل میں ہر کونسل میں علاقے کے حساب سے مختلف ہو سکتا ہے۔ کچھ اس کی اجازت دے سکتے ہیں، کچھ اسے مکمل طور پر روک سکتے ہیں،" جیرڈ ڈوگن کہتے ہیں۔

کمیونٹی گارڈن کیا ہے؟

اگر آپ کے پاس گھر پر پھل ، سبزی یا جڑی بوٹیاں اگانے کی جگہ نہیں ہے، تو کمیونٹی گارڈن میں شامل ہونا دوسرا متبادل ہو سکتا ہے۔

سب اربن سڈنی کے ہرٹسویل کمیونٹی گارڈن میں ایک مشترکہ باغبانی کا علاقہ اور 30 سے زیادہ پلاٹس انفرادی باغبانی کے لیے موجود ہیں، جیسا کہ رکن صوفیہ کاروال نے وضاحت کی۔

"یہ سیکھنے کا ایک بہترین طریقہ ہے، خاص طور پر اگر آپ نوسکھئیے ہیں، ایسے لوگوں سے جو سالوں سے یہ کر رہے ہیں۔ آپ بہت کچھ سیکھتے ہیں کہ کیسے پھل اور سبزیاں اگائیں... آپ یہ بھی سیکھتے ہیں کہ ایک گروپ کے طور پر اکھٹے کیسے کام کریں، جو واقعی اہم ہے۔"."

کمیونٹی گارڈن کے شرکاء مٹی اور کمپوسٹنگ کے بارے میں سیکھتے ہیں کہ کون سے پودے اگائے جائیں اور ان کی دیکھ بھال کیسے کی جائے۔

"ہر کمیونٹی گارڈن مختلف طریقے سے کام کرتا ہے، لیکن میں سمجھتی ہوں کہ ان سب میں بنیادی چیز جو مشترک ہے وہ یہ ہے کہ آپ کے پاس پہلے سیکھنے کی مدت ہوتی ہے اور پھر آپ کچھ پودے لگا سکتے ہیں، اور آپ آخر میں کچھ گھر لے جانے کے قابل ہو جائیں گے،" محترمہ کارواجا کہتی ہیں۔

کمیونٹی گارڈن کے کیا فوائد ہیں؟

کمیونٹی گارڈن تمام پس منظر کے لوگوں کے لیے کھلے ہیں، حالانکہ رکنیت اور انتظار کی فہرستیں مختلف ہوتی ہیں۔ زیادہ تر وہ ٹولز فراہم کرتے ہیں جن کی آپ کو ابتدا میں آپ کو ضرورت ہوی ہے۔

پیداوار بڑھانے کے مواقع کے علاوہ، بہت سے کمیونٹی باغات ہر عمر کے لوگوں کے لیے سرگرمیاں بھی چلاتے ہیں۔

"اگر آپ کے بچے ہیں، تو آپ باغ میں کتابیں پڑھنے کا حصہ بن سکتے ہیں...ہمارے پاس ہر عمر کے لوگوں کے لیے بہت سے پروگرام ہیں۔ ہمارے پاس نیورو ڈائیورجنٹ کمیونٹیز کے لیے بھی ایک پروگرام ہے اور ایک پلاٹ ہے۔ یہ بہت پرسکون ہے۔ ہمارے پاس صفر فضلہ، کمپوسٹنگ، [اور] پرما کلچر کے بارے میں پروگرام ہیں۔ کارواجا کہتی ہیں۔

لہٰذا، چاہے آپ تازہ پیداوار بانٹنا چاہتے ہو یا خود اگانا چاہتے ہو، کمیونٹی باغات اس میں شامل ہونے کا ایک عملی طریقہ پیش کرتے ہیں۔ اور اگر آپ کسی اور کے باغ میں یا ان کی کیاری پر پھل یا سبزیاں اگتے ہوئے دیکھیں تو اسے لینے سے پہلے اجازت لینا یاد رکھیں۔

Subscribe to or follow the Australia Explained podcast for more valuable information and tips about settling into your new life in Australia.

Do you have any questions or topic ideas? Email australiaexplained@sbs.com.au