جب ڈاکٹر سو ہوسن (HOS-en) تقریباً چالیس سال پہلے لبنان سے آسٹریلیا آئیں، تو اپنی ڈینٹسٹری مہارت منتقل کرنے کی لاگت کوئی مسئلہ نہیں تھی۔ کئی دہائیوں سے وہ میلبورن کے شمالی علاقوں میں کثیر الثقافتی کمیونٹیز کی خدمت کر رہی ہیں۔
اس دوران وہ کہتی ہیں کہ بیرونِ ملک تربیت یافتہ ڈینٹسٹس کے لیے اپنی قابلیت کی منظوری حاصل کرنے کی فیس مسلسل بڑھتی رہی ہے۔
حکومت اب بیرونِ ملک تربیت یافتہ ڈینٹسٹس کو یہاں کام کے لیے لانے کے عمل کو آسان بنانے کے لیے بائیس ہزار ڈالر تک کی اسکالرشپس فراہم کر رہی ہے۔ایشلے نائنڈ (nigh-nd) غیر منافع بخش ادارے کوہیلتھ میں الائیڈ ہیلتھ کے ڈائریکٹر ہیں۔
وہ کہتے ہیں کہ یہ اقدام وکٹوریہ کے شہریوں کے لیے بہتر ہیلتھ کیئر کو سپورٹ کرے گا۔
وفاقی حکومت کو گزشتہ سال بیرونِ ملک ہیلتھ پریکٹیشنرز سے متعلق پالیسی سیٹنگز پر ایک آزادانہ جائزہ موصول ہوا تھا۔
محکمہ صحت کے ایک ترجمان کا کہنا ہے کہ امیگریشن کے راستوں کو بہتر اور آسان بنانے کے لیے اس جائزے کی سفارشات قبول کر لی گئی ہیں۔
بچوں میں خراب اورل ہیلتھ قابلِ روک تھام اسپتال داخلوں کی ایک بڑی وجہ ہے، اس تناظر میں وکٹوریہ کی وزیر صحت میری-این تھامس کہتی ہیں کہ سمائل اسکواڈ پروگرام — جس میں ہیلتھ ورکرز اور خاص طور پر تیار کی گئی گاڑیاں شامل ہیں — پورے صوبے میں 80,000 طلبہ تک پہنچ چکا ہے۔
