۔انگلینڈ سیریز کے بعد ڈیلاس میں بھی بارش کی وجہ سے پاکستان کرکٹ ٹیم کا پریکٹس سیشن متاثر ہوا پاکستان کرکٹ ٹیم کے کھلاڑیوں نے بارش کی وجہ سے انڈو پریکٹس سیشن میں حصہ لیا کپتان بابراعظم نے میڈیا سے گفتگو کرتے ہوئے کہا کہ ہماری تیاری بہت اچھی ہے، انگلینڈ سیریز اچھی نہیں رہی لیکن ہمارے دماغ میں یہی تھا کہ ہم نے ورلڈ کپ کیسے کھیلنا ہے بارش ہمارے اختیار میں نہیں ہے لیکن اس کے باوجود ہم میسر سہولیات میں بھرپور پریکٹس کر رہے ہیں لوگوں نے بہت دعائیں کیں ہماری کوشش یہی ہوگی کہ اچھی کرکٹ کھیلیں بابراعظم نے بتایا کہ کرکٹ پلاننگ اور مائنڈ گیم کا کھیل ہے ہمارے کچھ کھلاڑی جن میں حارث رؤف، عماد وسیم اور شاداب خان شامل ہیں وہ پہلے یو ایس اے میں کھیل چکے ہیں اور یہاں کی کنڈیشنز کو بہتر جانتے ہیں تو اس سے ہمیں فائدہ ہوگا بدقسمتی سے شاداب خان کی پرفارمنس ٹھیک نہیں جا رہی لیکن مجھے باقی کھلاڑیوں کی طرح شاداب پر بھی مکمل اعتبار ہے. مجھے اپنی ٹیم پر پورا بھروسہ ہے کہ اچھی کرکٹ کھیلیں گے، یو ایس اے کی کنڈیشنز فاسٹ باؤلرز کے لیے فائدہ مند ہوتی ہیں بطور کپتان میرا یہی گول ہے کہ ہم نے یہ ورلڈ کپ جیتنا ہے، میرا پرسنل گولز پر فوکس نہیں ہوتا، پوری کوشش کریں گے اچھا کھیل پیش کریں اور ورلڈ کپ جیتیں۔ پاکستان کو اگلے راؤنڈ ٹک رسائی کے لیے چار میں سے تین میچز جیتنے ہوں گے۔
امریکہ میں پہلی بار کھیلے جانے والے آئی سی سی ٹی ٹونٹی ورلڈ کپ میں بھارتی کرکٹ ٹیم نیو یارک میں موجود ہے جہاں وہ اپنا پہلا میچ آج آئرلینڈ کی ٹیم کے خلاف کھیلے گی انڈین کرکٹ ٹیم اب تک نیو یارک میں پریکٹس میچ اور پریکٹس سیشن میں حصہ لے چکی ہے بھارتی صحافیوں کا ماننا ہے کہ پاکستان کے خلاف میچ سے قبل انڈیا کو نیو یارک میں میچز ملنے سے بھارتی ٹیم کو فائدہ ہوگا بھارتی کرکٹ ٹیم آئرلینڈ کے خلاف میچ آسانی سے جیت سکتی ہے ایس بی ایس اردو سے گفتگو کرتے ہوئے انہوں نے بتایا کہ امریکہ میں پہلی بار کرکٹ کا اتنا بڑا میلہ سجا ہے کنڈیشنز کے بارے میں کچھ کہنا قبل از وقت ہوگا ۔
پاکستان اپنا پہلا میچ چھ جون کو ڈیلس میں امریکہ کے خلاف کھیلے گا جب کہ نو جون کو نیویارک میں دوسرا میچ روایتی حریف بھارت کے ساتھ ہو گا۔ پاکستان 11 جون کو نیویارک میں کینیڈا کے مدمقابل ہوگا جب کہ 16 جون کو فلوریڈا میں اس کا میچ آئرلینڈ سے ہوگا۔
بشکریہ: انس سعید (امریکہ)
