لاکھوں آسٹریلین باشندوں کے لیے "ابھی خریدیں، بعد میں ادا کریں" کی سہولت ایک عام طریقہ بن چکی ہے تاکہ اشیاء یا خدمات کی قیمت کو چھوٹے حصوں میں تقسیم کرکے کئی ہفتوں میں ادا کیا جا سکے۔
اگرچہ ان سہولتوں کی شکل نئی ہے، مگر ان کا ماڈل ایک پرانے روایتی لَے-بائے معاہدے کی ایک مختلف شکل ہے، جس میں صارف مکمل رقم ادا کرنے کے بعد ہی چیز حاصل کرتا ہے۔
آفٹر پے جیسے ادارے اس ماڈل کو الٹ کر پیش کرتے ہیں، یعنی صارف کو چیز یا خدمت فوراً دے دی جاتی ہے اور قیمت کی ادائیگی بعد میں کی جاتی ہے۔اب تک، یہ کریڈٹ سہولتیں ایک دہائی سے زائد عرصے تک حکومتی ریگولیشن سے بچی رہی ہیں
منگل 10 جون سے، البانیز حکومت کی جانب سے سخت نئے ضوابط نافذ العمل ہو چکے ہیں، جن کے تحت "ابھی خریدیں، بعد میں ادا کریں" کی سہولتوں کو کریڈٹ کارڈ کی طرح تصور کیا جائے گا۔
نئے قوانین کے مطابق، ان اداروں کے لیے آسٹریلین کریڈٹ لائسنس حاصل کرنا، موجودہ کریڈٹ قوانین کی پاسداری کرنا اور کریڈٹ ایکٹ کے تحت کم لاگت کریڈٹ کی ایک نئی کیٹیگری میں شامل ہونا ضروری ہوگا۔
اگر آپ ان سہولیات کے بارے میں متجسس ہیں، یا اگر آپ ان تقریباً 41 فیصد آسٹریلوی باشندوں میں شامل ہیں جنہوں نے گزشتہ چھ ماہ میں یہ سہولت استعمال کی ہے (جیسے کہ فائنڈر کے ایک سروے کے مطابق)، تو آپ یہ جاننا چاہیں گے کہ یہ قوانین آپ پر کیسے اثر انداز ہوں گے۔
تنقید کرنے والے طویل عرصے سے کہتے آ رہے ہیں کہ آفٹر پے جیسی سہولتیں صارفین کو ایسے پیسے خرچ کرنے کی ترغیب دیتی ہیں جو ان کے پاس نہیں ہوتے، اور یہ کمزور افراد کو مستقل قرض کے جال میں پھنسا سکتی ہیں۔
______________
جانئے کس طرح ایس بی ایس اردو کے مرکزی صفحے کو بُک مارک
ڈیوائیسزپرانسٹال کیجئے۔ پوڈکاسٹ سننے کے لئے نیچے دئے اپنے پسندیدہ
پوڈ کاسٹ پلیٹ فارم کا انتخاب کیجئے
