وزیراعظم کے مشیر رانا ثنا اللہ کی جانب سے نئی آئینی ترمیم میں ووٹرز کی عمر 25 سال سے کم کر کے 18 سال کرنے کا بیان سامنے آیا ہے۔ تحریک تحفظ آئین پاکستان نے حکومت کیخلاف سڑکوں پر آنے کا اعلان کیا ہے۔ 4 سال گزرنے کے بعد مبینہ سائفر کی گونج ایک بار پھر سنائی دے رہی ہے۔
پاکستان میں 28 ویں آئینی ترمیم کی بحث کا آغاز ہوگیا ہے۔
وزیراعظم کے مشیر رانا ثنا اللہ نے 28 ویں آئینی ترمیم کے حوالے سے جاری بیان میں ووٹرز کی عمر 25 سال سے کم کرکے 18 سال کرنے کے بیان پر سوشل میڈیا پر شدید تنقید ہورہی ہے۔
اپوزیشن نے نئی آئینی ترمیم کی مخالفت کی ہے جبکہ وزیرقانون اعظم نذیر تارڑ نے کہا ہے کہ 28 آئینی ترمیم کے حوالے سے پہلے اتحادیوں کو اعتماد میں لیا جائے گا.
اپوزیشن اتحاد تحریک تحفظ آئین پاکستان نے پٹرولیم مصنوعات کی قیمتوں میں اضافے، مہنگائی اور بے روزگاری کیخلاف جمعے کے روز ملک گیر احتجاج کا اعلان کیا ہے۔
اڈیالہ جیل میں قید سابق وزیراعظم عمران خان سے اظہار یکجہتی کیلئے وزیراعلی خیبرپختونخواہ کی قیادت میں آنے والی ریلی کو وفاقی حکومت نے 26 نمبر چونگی کے مقام پر روک دیا۔ اسی مقام پر دھرنے کے دوران پولیس اور پی ٹی آئی کارکنان کے درمیان تصادم بھی ہوا ہے۔
