مشرق وسطی جنگ کے خاتمے کے حوالے سے اہم پیشرفت ہوئی ہے۔ پاکستان امریکہ اور ایران کے درمیان ثالثی کیلئے تیار ہے، وزیراعظم شہباز شریف نے دونوں ممالک کے درمیان مذاکرات کی میزبانی کی پیشکش کردی ہے۔
وزیراعظم شہباز شریف کی پیشکش کو امریکی صدر ڈونلڈ ٹرمپ نے سوشل میڈیا پر شیئر کیا۔ اس سے قبل صدر ڈونلڈ ٹرمپ اور پاکستانی فیلڈ مارشل جنرل عاصم منیر کے درمیان ٹیلیفونک رابطہ ہوا ہے۔ صدر ٹرمپ نے ایران کے ساتھ مذاکرات کی تصدیق کردی ہے۔
جنگ کے باعث توانائی بحران کے پیش نظر پاکستان نے کفایت شعاری مہم کے تحت مزید اقدامات تجویز کیے ہیں۔ سندھ کی صوبائی حکومت نے سمارٹ لاک ڈاون لگانے کا عندیہ دیدیا ہے۔
عمران خان کا پمز ہسپتال میں میڈیکل چیک اپ ہوا ہے۔ انہیں آنکھ کے انجکشن کی تیسری ڈوز لگا دی گئی ہے۔ عمران خان سے ملاقات کے روز اڈیالہ جیل کے باہر ایک بار پھر صورتحال کشیدہ رہی ہے۔
