سری لنکا کے خلاف دو ٹیسٹ میچوں کی سیریز کے لیے پاکستان کرکٹ ٹیم کولمبو روانہ ہوگئی ہے پاکستان کی آئی سی سی ٹیسٹ چیمپئن شپ کے لیے پہلی سیریز سولہ جولائی سے شروع ہوگی سیریز کی تیاریوں کے سلسلے میں پاکستان ٹیم نے کراچی میں بھرپور ٹریننگ کی پانچ روزہ کیمپ میں کھلاڑیوں نے بیٹنگ باؤلنگ اور فیلڈنگ کی خوب مشقیں کیں ۔ سری لنکا روانگی سے قبل پریس کانفرنس کرتے ہوئے کپتان بابراعظم کا کہنا تھا کہ ایشیا کپ سے قبل سری لنکا میں سیریز سے فائدہ ہوگا خامیوں پر قابو پانے کی کوشش کر رہے ہیں امید ہے سیریز کے نتائج ہمارے حق میں آئیں گے .بھارت میں شیڈول آئی سی سی ون ڈے ورلڈ کپ کے سوال پر بابراعظم نے کہا کہ انڈیا میں کسی بھی مقام پر کھیلنے میں کوئی مسئلہ نہیں صرف بھارت کے ساتھ ہی نہیں کھیلنا بلکہ ٹورنامنٹ کے فائنل میں رسائی حاصل کرنے کے لیے باقی ٹیموں کو شکست دینا ہوگی ۔
پاکستان کے نوجوان ورلڈ اور ایشین سنوکر چیمپئن احسن رمضان کھیل سنوکر کو نظر انداز کرنے پر حکومت پاکستان سے نالاں ہیں نوجوان کیوئسٹ احسن رمضان نے ایس بی ایس اردو کو بتایا کہ گزشتہ سال مارچ میں ورلڈ چیمپئن شپ پاکستان کے نام کی لیکن حکومتی سطح پر کوئی پذیرائی نہیں ملی پاکستان کی سپورٹس پالیسی کے مطابق اگر کوئی بھی کھلاڑی گولڈ میڈل جیت کر لائے گا تو اس کے لیے ایک کروڑ روپے کا انعام ہے لیکن آج تک کسی سنوکر پلیئر کو نہیں ملا سنوکر نے پاکستان کو بہت سارے ورلڈ کپ جتوائے لیکن افسوس ہے کہ اسنوکر کو نیشنل گیمز میں شامل نہیں کیا جا رہا ۔ احسن رمضان کا کہنا تھا کہ سعودی عرب میں انڈر ٹونٹی ون ورلڈ چیمپئن شپ کھیلنے کے لئے جا رہا ہوں اپنی محنت جاری رکھوں گا اور یہ ٹائٹل بھی پاکستان میں لے کے آؤں گا.
ایشین چیمپئنز ٹرافی میں شرکت کے لیے پاکستان ہاکی ٹیم کا تربیتی کیمپ لاہور میں جاری ہے ٹریننگ کیمپ میں 30 ہاکی کھلاڑی شرکت کر رہے ہیں کھلاڑی دن میں دو مختلف سیشنز میں ٹریننگ کررہے ہیں ایونٹ کے لیے اٹھارہ رکنی ہاکی ٹیم کا اعلان جولائی کے تیسرے ہفتے میں کیا جائے گا بھارت کے شہر چنائی میں شیڈول چیمپئنز ٹرافی میں شرکت کے لیے پاکستان ہاکی فیڈریشن حکومت سے اجازت طلب کر رہی ہے حکومتی اجازت ملنے کے بعد پاکستان ہاکی ٹیم اگست میں بھارت روانہ ہوگی ایشین چیمپئنز ٹرافی کے مقابلے تین سے بارہ اگست تک کھیلے جائیں گے ہاکی ٹیم کے کوچ محمد ثقلین کا کہنا تھا کہ کھلاڑی فٹنس مسائل کا شکار ہیں لیکن امید ہے ٹورنامنٹ سے قبل ایک اچھی ٹیم تیار کر لیں گے
بشکریہ: انس سعید
§ اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
§ اردو پرگرام سننے کے طریقے
§ “SBS Audio” کے نام سے موجود ہماری موبائیل ایپ انسٹال کیجئے
§ ایپیل (آئی فون) یا اینڈرائیڈ ڈیوائیسز پر انسٹال کیجئے
§ پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے:
