جمعرات کی سہ پہر تسمانیہ میں ایک حادثے کے بعد وزیر اعظم اسکاٹ موریسن کی سیکیوریٹی کے چار ارکان کو اسپتال میں داخل کرایا گیا ہے۔ وزیراعظم زخمی نہیں ہوئے اور حادثہ انہیں پیش نہیں آیا ۔
مسٹر موریسن کی فالو سیکیورٹی گاڑی الزبتھ ٹاؤن، تسمانیہ کے قریب حادثے میں ملوث تھی۔
تسمانیہ کے دو پولیس افسران اور دو آسٹریلوی فیڈرل پولیس افسران جو فالو کرنے والی گاڑی میں تھے، مزید جانچ کے لیے جائے وقوعہ سے ہسپتال لے جایا گیا ہے۔
منتقلی کے وقت تمام افسران ہوش میں تھے، اور دوسری گاڑی کا ڈرائیور زخمی نہیں ہوا۔
مسٹر موریسن کے ترجمان نے ایک بیان میں کہا ہے: "افسروں کے اہل خانہ سے رابطہ کیا گیا ہے اور انہیں ان کی حالت سے آگاہ رکھا جا رہا ہے۔"
"وزیراعظم اپنی سیکیورٹی ٹیم کی طرف سے فراہم کردہ تحفظ کے لیے ہمیشہ انتہائی مشکور ہیں اور ان کی صحت یابی اور ان کے اہل خانہ کے لیے نیک خواہشات کا اظہار کرتے ہیں۔"
جمعرات کی سہ پہر کی انتخابی مہم کی تقریبات منسوخ کر دی گئی ہیں۔
وزیر داخلہ کیرن اینڈریوز نے ٹویٹر پر زخمی اہلکاروں کے لیے نیک تمنائیں بھیجیں۔
میں آج ٹریفک حادثے میں زخمی ہونے والے ارکان کی جلد صحت یابی کی خواہش کرتی ہوں۔ وہ ڈیوٹی پر تھے، وزیر اعظم کو تحفظ فراہم کر رہے تھے۔ میرے جذبات زخمی افسران اور ان کے اہل خانہ کے ساتھ ہیں، اور میں ان کی خدمات کے لیے ان کا شکریہ ادا کرتی ہوں۔
I wish the members of the @AusFedPolice and @TasmaniaPolice injured today in a traffic incident a speedy recovery. They were on duty, providing protection to the Prime Minister. My thoughts are with them and their families, and I thank them for their service.
— Karen Andrews MP (@karenandrewsmp) April 14, 2022
- کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو کو اپنا ہوم پیج بنائیں۔
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
