بنگلہ دیش نے اپنی تاریخ میں پہلی بار آسٹریلیا کو ون ڈے سیریز میں شکست دے دی , پاکستان نے 74 سال بعد فٹبال کا بین الاقوامی ٹورنامنٹ جیت لیا , اسٹیڈیم گونجتے رہے، پرچم لہراتا رہا؛ پاکستانی چچا کرکٹ نے ریٹائرمنٹ کا اعلان کر دیا.
میرپور ڈھاکا میں بنگلہ دیش نے تاریخ رقم کرتے ہوئے 21 سالہ انتظار ختم کر دیا۔ آسٹریلیا نے مقررہ 42 اوور میں 8 وکٹوں پر 187 رنز بنائے بنگال ٹائیگرز نے ڈک ورتھ لوئس میتھڈ کے تحت ملنے والا 192 رنز کا ہدف 35 اوورز میں حاصل کر کے دوسرے ون ڈے میں 5 وکٹوں سے شاندار فتح سمیٹ لی۔
یاد رہے کہ آسٹریلیا اور بنگلہ دیش ٹیمیں اس قبل 4 مرتبہ ون ڈے سیریز میں آمنے سامنے آچکی ہیں اور چاروں مرتبہ آسٹریلیا نے بنگلہ دیش کو وائٹ واش کیا
پاکستان کے شائق دوست کی حیران کن اوور ہیڈ کک اور ہارون حمید کے آخری لمحات میں شاندار انفرادی گول نے پاکستان کو 74 سالہ انتظار سے نجات دلا دی
شاہینوں نے ڈائمنڈ جوبلی انٹرنیشنل فٹبال ٹورنامنٹ کے فائنل میں افغانستان کو 2-0 سے شکست دے کر تاریخی ٹائٹل جیت لیا، شاہینز کی اس سے قبل آخری ٹورنامنٹ فتح 1952 میں ایشین کواڈرینگولر فٹبال ٹورنامنٹ میں ہوئی تھی
چار دہائیوں تک دنیا بھر کے کرکٹ میدانوں میں سبز ہلالی پرچم کی پہچان بننے والے چچا کرکٹ نے ریٹائرمنٹ کا اعلان کر دیا۔ 500 سے زائد انٹرنیشنل میچز میں پاکستان کرکٹ کا جذبہ بننے والے چچا کرکٹ اپنی منفرد شخصیت، سبز لباس اور وطن سے بے مثال محبت کے باعث دنیا بھر میں قومی ٹیم کے سب سے نمایاں سپورٹر کے طور پر جانے گئے
دنیا کے سب سے بڑے فٹبال میلے، فیفا ورلڈ کپ 2026 کے آغاز کے ساتھ ہی پاکستان میں بھی فٹبال کا بخار چڑھ گیا ہے۔ ملک بھر کے شائقین اپنی پسندیدہ ٹیموں کی حمایت کے لیے پرجوش ہیں اور ورلڈ کپ کے رنگ میں رنگے نظر آ رہے ہیں
یاد رہے فیفا ورلڈ کپ میں کھیلے جانا والا فٹبال ٹرائی اونڈا پاکستان کے شہر سیالکوٹ میں تیار کیا گیا ہے ایس بی ایس کی خصوصی گفتگو میں شائقین فٹبال نے اپنے جذبات کا اظہار کیا آئیے سنتے ہیں
ایس بی ایس اردو کے لئے یہ رپورٹ پاکستان سے حافظ محمد بلال نے پیش کی
