اے ایف سی ویمنز ایشین کپ کا فائنل کل سڈنی میں کھیلا جائے گا، آسٹریلیا نے سیمی فائنل میں چین پی آر کو 2-1 سے شکست دے کر فائنل میں جگہ بنائی، جبکہ جاپان نے جنوبی کوریا کو ہرا کر ٹائٹل کی دوڑ میں اپنی پوزیشن مضبوط کی یہ مقابلہ 2018 کے فائنل کا ری میچ بھی ہوگا جہاں جاپان نے آسٹریلیا کو شکست دے کر ٹائٹل اپنے نام کیا تھا اب دونوں ٹیمیں ٹرافی کے لیے ٹکرانے کو تیار ہیں.
پاکستان سپر لیگ کا افتتاحی میچ 26 مارچ کو قذافی اسٹیڈیم میں ہونے جا رہا ہے جہاں لاہور قلندر اور حیدرآباد کنگز آمنے سامنے ہوں گے مشرقی وسطیٰ میں جاری جنگ کی وجہ سے فلائٹس کا شیڈول درہم برہم ہو چکا فلائٹس میں مسائل کی وجہ سے دیگر روٹس پر غور کیا جا رہا ہے کھلاڑیوں کو سفری شیڈول ارسال کر دیے گئے ہیں آسٹریلینز سمیت اب تک کسی غیر ملکی کھلاڑی نے اپنی فرنچائز یا بورڈ کو عدم دستیابی سے آگاہ نہیں کیا جبکہ لاہور قلندر نے شاہین آفریدی کی قیادت میں ٹریننگ کا آغاز کر دیا ہے۔
پاکستان کے سابق کپتان سرفراز احمد نے اپنے کیریئر کے دوران 100 انٹرنیشنل میچز کی قیادت کی۔ وہ واحد کھلاڑی ہیں جنہوں نے جونیئر اور سینئر دونوں سطح پر آئی سی سی ٹائٹلز جیتے، جبکہ ان کی قیادت میں پاکستان ٹی ٹوئنٹی کرکٹ میں عالمی نمبر 1 بھی بنا۔
سرفراز احمد کے مطابق 2006 کا انڈر 19 ورلڈ کپ اور 2017 کی آئی سی سی چیمپئنز ٹرافی کی فتح ان کے کیریئر کے یادگار ترین لمحات میں سے ایک ہے.
پاکستان کرکٹ ٹیم کے سابق کپتان شاہد آفریدی نے بنگلہ دیش کے خلاف ون ڈے سیریز میں شکست کے بعد قومی سلیکشن کمیٹی کو شدید تنقید کا نشانہ بنایا شاہد آفریدی نے کہا کہ ٹیم کی ناکامیوں کی ذمہ داری سیلیکشن کمیٹی پر عائد ہوتی ہے
کمیٹی میں شامل افراد نے خود بہت کرکٹ کیھلی مگر اس کے باوجود انہیں پتا ہی نہیں کہ کس فارمیٹ کے لیے کون سا کپتان موزوں ہے ایسے نوجوان کھلاڑیوں کو ٹیم میں شامل کیا جنہوں نے ڈومیسٹک یا فرسٹ کلاس کرکٹ میں بہت کم میچز کھیلے.
ایس بی ایس اردو کے لئے یہ رپورٹ پاکستان سے حافظ محمد بلال نے پیش کی
مزید جانئے
کھیل سب کے لٗیے
