Key Points
- آپ کو کیریئر میں تبدیلی لانے میں مدد کرنے کے لیے آمنے سامنے بیٹھ کر مدد کے اختیارات اور سرکاری وسائل موجود ہیں۔
- تارکین وطن کام کی جگہ پر متنوع ہنر لا سکتے ہیں، لیکن انہیں کچھ ملازمتوں کے لیے مزید تربیت یا مقامی تجربہ حاصل کرنے کی بھی ضرورت پڑ سکتی ہے۔
- ٓج کے دور میں مصنوعی ذہانت سے متعلق قابلیت لیبر مارکیٹ میں اہم مقام رکھتی ہے
- آسٹریلین ملازمین کے لیے ملازمتیں یا کیریئر تبدیل کرنا کتنا عام ہے؟
- کیا اگر میں ناتجربہ کار ہوں یا میری عمر زیادہ ہے تو میں کیرئیرتبدیل نہیں کرسکتا؟
- میں آسٹریلیا میں کیریئر کی تبدیلی کے بارے میں معلومات اور مشورہ کہاں سے حاصل کر سکتا ہوں؟
- آسٹریلیا کی لیبر مارکیٹ میں کچھ موجودہ اور مستقبل کے رجحانات کیا ہیں؟
- میں کیسے جان سکتا ہوں کہ یہ کیریئر چھوڑنے کا وقت ہے؟
نئے کیریئر میں قدم رکھنا ایک مشکل اور ذہنی دباؤ والا کام ہوسکتا ہے۔
لیکن ماہرین کا کہنا ہے کہ یہ آپ کے لئے نئے مواقع بھی کھول سکتا ہے۔
آسٹریلین ملازمین کے لیے ملازمتیں یا کیریئر تبدیل کرنا کتنا عام ہے؟
آسٹریلیا میں ملازمت کی تبدیلی غیر معمولی نہیں ہے۔ اے بی ایس کے تازہ ترین اعداد و شمار کے مطابق، فروری 2024 سے فروری 2025 کی مدت میں 10 لاکھ سے زائد کارکنوں نے ملازمتیں تبدیل کیں۔
کیریئر کی تبدیلی کے بارے میں درست اعداد و شمار کی کمی کے باوجود، 2024 کے سروے سے پتہ چلتا ہے کہ دو میں سے ایک آسٹریلین کارکن کیرئیر تبدیل کرنے کے لیے تیار تھا۔
کیریئر کوچ ایلس چینگ کا کہنا ہے کہ "کیرئیر میں تبدیلی بالکل معمول بن رہی ہے۔‘‘
اگر میری عمر زیادہ ہو یا ناتجربہ کار ہوں تو کیا میں کیرئیر تبدیل نہیں کر سکتا؟
نیا پیشہ آزمانا ، کسی ایسے شخص کے لیے جوکم عمر ہو، جو ابھی مہارتیں بنا رہا ہے اور دنیا میں اپنی راہ تلاش کر رہا ہے، زیادہ آسان لگ سکتا ہے۔
لیکن زندگی کے ہر مرحلے کے لوگ اگر چاہیں تو منتقلی کے لیے تیار ہیں، محترمہ چنگ کہتی ہیں۔
"چالیس کی دہائی میں، یہ وہ وقت ہے جب آپ خود پر زیادہ اعتماد محسوس کرتے ہیں کہ آپ بالکل جانتے ہیں کہ آپ کیا چاہتے ہیں، کیا چیز آپ کو تھکا دیتی ہے، کیا توانائی دیتی ہے۔
"اپنی پچاس کی دہائی میں، جب آپ اپنے کیریئر کے اختتام کی طرف بڑھ رہے ہیں، تو یہ فیصلہ کرنے کا وقت ہے کہ آپ جو کر رہے ہیں اسے جاری رکھنا چاہتے ہیں یا اگلے 10-15 سال مختلف انداز میں جینا چاہتے ہیں۔"
صنعت کے لحاظ سے، آسٹریلیا میں نئے اترکین وطن کے پاس بعض ملازمتوں میں مطلوبہ مقامی تجربہ نہیں ہو سکتا۔
لیکن جب تک آپ کوئی نیا ہنر نہین سیکھ رہے کسی ایسی ملازمت کے بارے میں غور کر سکتے ہیں جو آپ کے تجربے یا ماضی کی نوکری کے مطابق ہو ، اس بات سے قطع نظر کہ آپ ک معاوضے کے ساتھ ملازمت ملتی ہے یا کوئی بلا معاوضہ کام آپ کو بہرحال تجربہ حاصل ہو جائے گا
"سوچیں 'میری طاقتیں کیا ہیں؟'، 'میں مقامی امیدوار کے مقابلے میں اور کیا لا سکتا ہوں؟' اور پھر اپنے ریزیومے (دستاویز) پر اپنی صلاحیتیں ظاہر کریں ، اعتماد کے ساتھ انٹرویوز میں جائیں ،اور اگر آپ کو (نوکری) 'نہیں' ملے تو گھبرائیں نہیں،" محترمہ چنگ کہتی ہیں۔
اور اگر آپ کو لگتا ہے کہ آپ کا لہجہ مسئلہ بن سکتا ہے، تو اس کا مشورہ ہے کہ بس اپنے نئے راستے پر توجہ دیں۔
میں آپ کو یقین دلاتی ہوں کہ سینکڑوں لوگ جن کی میں نے کوچنگ کی ہے اور جو زیادہ تر انگریزی کو دوسری زبان کے طور پر استعمال کرتے ہیں، وہ سمجھتے ہیں کہ انگریزی ان کی رکاوٹ ہے لیکن یہ سب ان کے ذہن میں ہے۔ایلس چنگ
وہ کہتی ہیں کہ آج کل آسٹریلیا میں بہت سے لوگ مختلف لہجے کے ساتھ انگریزی بولتے ہیں۔
آسٹریلیا میں کیریئر تبدیل کرنے کے بارے میں معلومات اور مشورے کہاں مل سکتے ہیں؟
اپنے علاقے میں دوبارہ مہارت، پیشہ ورانہ تعلیم اور صنعت میں ملازمت کے رجحانات کے بارے میں معلومات اور مدد کے لیے، اپنے ریاست یا علاقے کی مخصوص سرکاری ویب سائٹ ملاحظہ کریں
آپ (workforceaustralia.gov.au)پر بھی جا کر جاب سوئچ ٹول استعمال کر سکتے ہیں تاکہ آپ اپنی موجودہ مہارتوں اور قابلیت سے میل کھاتے ہوئے ملازمت کے مواقع تلاش کر سکیں۔ اگر آپ کی عمر 45 سال یا اس سے زیادہ ہے تو کیریئر ٹرانزیشن اسسٹنس پروگرام دیکھیں۔
کچھ دائرہ اختیار جیسے وکٹوریا اور ویسٹرن آسٹریلیا میں مفت کیریئر، تربیت اور روزگار کی مدد کے لیے ایک ہی جگہ مراکز موجود ہیں۔ کریگ رابرٹسن وکٹورین اسکلز اتھارٹی کے چیف ایگزیکٹو آفیسر ہیں
وی ایس اے پورے آسٹریلیا میں ٹیف کمپسسز میں کئی اسکلز اور جابز سینٹرز چلاتا ہے۔ "یہ عام عوام کے لیے دستیاب ہیں،" جناب رابرٹسن کہتے ہیں۔
"اور چونکہ وہ کمیونٹی میں کام کرتے ہیں، انہیں اس مخصوص علاقے میں ملازمتوں کی اچھی سمجھ ہے. اور پیشہ ور مشیر جو آزادانہ کیریئر کے مشورے دے سکتے ہیں۔
اگر آپ آسٹریلوی لیبر مارکیٹ کے بارے میں معلومات حاصل کرنا چاہتے ہیں تو مسٹر رابرٹسن (yourcareer.gov.au.) پر موجود آن لائن ٹولز استعمال کرنے کی سفارش کرتے ہیں۔
"یہ ایک آن لائن سرچ انجن ہے جہاں آپ ان شعبوں کے بارے میں بہت سے سوالات پوچھ سکتے ہیں جن میں آپ اپنا کیریئر تبدیل کرنے کا سوچ رہے ہیں۔"
یہ آپ کو مندرجہ ذیل معلومات فراہم کرے گا:
- ملازمت کے مواقع کیا ہیں؟
- اجرتوں کے نتائج کیا ہیں؟
- کون سے کورسز آپ کو ان ملازمتوں کے لیے مقابلہ کرنے کے لیے سب سے زیادہ تیار کریں گے؟
آسٹریلیا کی لیبر مارکیٹ میں کچھ موجودہ اور مستقبل کے رجحانات کیا ہیں؟
آسٹریلیا کی لیبر مارکیٹ میں اعلیٰ مہارت کے ذریعے زیادہ مسابقتی بننے کے لیے، مصنوعی ذہانت کی تربیت حاصل کرنے پر غور کریں۔
یونیورسٹی آف کوئنز لینڈ بزنس سکول کی سینئر لیکچرر ڈاکٹر کیرولین نائٹ کہتی ہیں، "صنعتیں خاص طور پر ایسے لوگوں کی تلاش کر رہی ہیں جن میں مصنوعی ذہانت سے متعلق قابلیت ہو۔"
ڈاکٹر نائٹ کے مطابق، ہائبرڈ کام بھی اب یہاں جاری رہنے کی توقع ہے۔
اس لحاظ سے ثقافت میں تبدیلی آئی ہے کہ کس طرح ٹیکنالوجیز اور سیکورٹی میں بہتری آئی ہے تاکہ ہم گھر سے زیادہ آسانی سے کام کر سکیں۔ڈاکٹر کیرولین نائٹ
فرنٹ لائن ورکرز یقیناً مستثنیٰ ہیں۔
"لیکن زیادہ تر صنعتوں میں، ایسے کردار ہوتے ہیں جہاں ممکنہ طور پر لوگ گھر سے کام کر سکتے ہیں،" ڈاکٹر نائٹ کہتی ہیں۔
میں کیسے جان سکتا ہوں کہ یہ کیریئر چھوڑنے کا وقت ہے؟
ہر کوئی نئے چیلنجوں اور انعامات کا پیچھا کرنے کے لئے کیریئر کو تبدیل کرنے کا فیصلہ نہیں کرتا ہے۔
کچھ منفی صورتحال، کام کا خراب ماحول، یا تھکان کی وجہ سے بھی لوگ ایسا کرتے ہیں۔
ڈاکٹر نائٹ کا کہنا ہے کہ صرف آپ ہی اندازہ لگا سکتے ہیں کہ کیا آگے بڑھنے کا یہ صحیح وقت ہے۔
بعض اوقات، یہ سب سے بہتر ہو سکتا ہے کہ پہلے اپنے مینیجر کے ساتھ بات چیت کریں اور آپ کو درپیش کسی بھی مسئلے پر بات کریں۔
"یہ شرم کی بات ہے کہ اگر آپ کو ایسے کیریئر سے نکال دیا جاتا ہے جس سے آپ محبت کرتے تھے، کیونکہ آپ اس قدر تھک چکے ہیں کہ اب آپ اس ماحول سے نمٹ نہیں سکتے۔
"لیکن اگر آپ کو لگتا ہے کہ آپ کام کے لیے موزوں نہیں ہیں، تو یقینی طور پر منتقل ہونا اچھا خیال ہے۔"
Subscribe to or follow the Australia Explained podcast for more valuable information and tips about settling into your new life in Australia.
Do you have any questions or topic ideas? Email australiaexplained@sbs.com.au
