یکم جولائی سے کوئنزلینڈ، نیو ساؤتھ ویلز اور ساؤتھ آسٹریلیا کے رہائشیوں کے بجلی کے بلوں میں تین سے دس فیصد تک اضافہ متوقع ہے۔ اضافی نرخ سے سب سے ذیادہ متاثر کون ہو گا، جانئے اس پوڈ کاسٹ میں۔
آسٹریلین انرجی ریگولیٹر نے نیو ساؤتھ ویلز، کوئنزلینڈ اور ساؤتھ آسٹریلیا میں بجلی کے نرخ بڑھانے کی منظوری دے دی ہے جس کا اطلاق یکم جولائی سے ہوگا۔
نیو ساؤتھ ویلز کے صارفین کو سب سے زیادہ اضافے کا سامنا ہو گا، جہاں سالانہ بل میں 228 ڈالر تک اضافہ متوقع ہے۔ علاقائی صارفین کا سالانہ بل 2740 ڈالر سے تجاوز کر جائے گا — جو ملک میں سب سے زیادہ ہو گا۔
جنوب مشرقی کوئنزلینڈ میں، ڈیفالٹ معاہدے پر موجود ایک اوسط گھرانہ سالانہ تقریباً 77 ڈالر زیادہ ادا کرے گا، اور ان کا سالانہ بل 2143 ڈالر ہو جائے گا، جب کہ ساؤتھ آسٹریلیا میں سالانہ بل 71 ڈالر بڑھ کر 2300 ڈالر سے تجاوز کر جائے گا۔
وِکٹوریا میں قیمتیں ایسینشل سروسز کمیشن طے کرتا ہے — اور وہاں اوسط بل میں 6 سے 25 ڈالر کا اضافہ ہو گا۔
یہ نئی قیمتیں وہ زیادہ سے زیادہ حد ہیں جو بجلی فراہم کرنے والی کمپنیاں ڈیفالٹ معاہدوں پر چارج کر سکتی ہیں۔
آسٹریلین کونسل آف سوشل سروس کی کیسیندرا گولڈی کو اس بارے میں تشویش ہے — ان کا کہنا ہے کہ یہ اضافہ غربت کا شکار تقریباً 30 لاکھ افراد افراد کو سب سے زیادہ متاثر کرے گا جو پہلے ہی مشکل زندگی گزار رہے ہیں۔
