آسٹریلیا بھر میں کمیونٹی نے سید عتیق الحسن کو خراجِ تحسین پیش کیا۔
- وہ کثیرالثقافتی اقدار کے سرگرم حامی اور چاند رات فیسٹیول کے بانی تھے
- انہیں نیو ساؤتھ ویلز حکومت کی جانب سے لائف ٹائم اچیومنٹ ایوارڈ سمیت کئی اعزازات سے نوازا گیا
آسٹریلیا بھر میں مختلف تنظیمیوں اور کمیونیٹی کے افراد نے ممتاز سماجی اور رفاہی شخصیت اور چاند رات عید فیسٹیول کے بانی سید عتیق الحسن کو خراجِ تحسین پیش کیا ۔
سید عتیق الحسن کے بڑے صاحبزادے صبیح حسن نے ایس بی ایس اردو سے بات کرتے ہوئے بتایا کہ وہ نہ صرف آسٹریلیا بلکہ پاکستان میں بھی ایک معروف صحافی اور براڈکاسٹر کے طور پر پہچانے جاتے تھے۔
صبیح حسن کا کہنا تھا کہ سید عتیق الحسن ایک سماجی کارکن، کمیونٹی رہنما اور صحافی تھے، اور ایک خاندان کے سربراہ کے طور پر آسٹریلین پاکستانی کمیونٹی کے لیے ایک رول ماڈل کے طور پر جانے جاتے تھے۔انہیں آسٹریلیا میں چاند رات فیسٹیول کے بانی کے طور پر جانا جاتا تھا۔
انہیں کئی اعزازات ملے اور نیو ساؤتھ ویلز حکومت کی طرف سے
Lifetime Achievement Award بھی دیا گیا۔
صبیح کے مطابق سید عتیق الحسن کثیرالثقافتی اقدار کے پُرجوش حامی اور چاند رات عید فیسٹیول کے بانی تھے۔آج اس طرح کے فیسٹیول آسٹریلیا بھر میں عید کے روائیتی تہواربن گئے ہیں مگر اس کے بانی کی حیثیت سے کثیرالثقافتی آسٹریلیا کے لیے اُن کی خدمات بے مثال ہیں۔
______________
یا اینڈرائیڈ , ڈیوائیسزپرانسٹال کیجئے۔ پوڈکاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم کا انتخاب کیجئے: Spotify Podcast , Apple Podcasts
