آج کی قسط میں جانئے کہ حج کے دوران ادویات کا خیال رکھنا کیوں ضروری ہے
اس حوالے سے ایس بی ایس اردو نے گفتگو کی ہے ڈاکٹر عائشہ ثاقب سے اور سال 2023 میں حج کی سعادت حاصل کرنے والے سلمان اقبال اور ان کی اہلیہ سے۔
سلمان اقبال جو میلبرن کے رہائشی ہیں کہتے ہیں اپنی دواوں کا خاص خیال رکھنا انتائی اہم ہے تاہم ساتھ ہی وہ یہ مشورہ بھی دیتے ہیں کہ سفر کے دوران اضافی سامان ساتھ لے جانے سے گریز کریں۔
دوسری جانب ڈاکٹر عائشہ ثاقب نے ایس بی ایس سے گفتگو کے دوران کہا کہ حج کے سفر سے پہلے وہ تمام ویکسینز لازمی کروائیں جو تجویز کی جاتی ہیں
ڈاکٹر عائشہ کہتی ہیں کہ عمومی ادویات کے ساتھ ساتھ ہائیڈرولائٹس لے جانا انتہائی اہم ہے تاکہ پانی اور نمکیات کی کمی سے بچا جا سکے ،ساتھ ہی ڈاکٹر عائشہ کا یہ بھی کہنا تھا کہ ہائیدرولائٹس اضافی مقدار میں ساتھ رکھیں اور اگر آُ کو محسوس ہو کہ کسی اور حاجی کو اس کی ضرورت ہے تو دے دیں
ڈاکٹر عائشہ نے یہ بھی مشورہ دیا کہ جو ادویات آپ روزانہ لیتے ہیں ان کی اچھی مقدار اپنے ہمراہ لے جائیں ،ا س کے علاوہ کیوں کہ حج ایک ایسی عبادت ہے جس میں جسمانی مشقت کا احتمال زیادہ ہے تو ضروری ہے کہ درد کش ادویات ہمراہ رکھیں
ڈاکٹر عائشہ یہ بھی بتاتی ہیں کہ حج کے دوران رش اور ایک دوسرے کے قریب ہونے کے باعث کچھ بیماریوں کا لگ جانا ممکن ہو سکتا ہے اس لئے اینٹی بیکٹیریل ادویات بھی ساتھ رکھیں ، ان کا کہنا ہے کہ یوں تو وہاں ڈسپنسریز موجود ہوتی ہیں لیکن مریضوں کی لمبی قطار آپ کو تھکان سے دوچار کر سکتی ہے۔
مزید جانئے
مکہ مکرمہ میں حج کی تیاریاں
