آسٹریلیا میں مقیم پاکستانی کمیونٹی بھی ملک بھر میں جشن اور تقریبات کے ذریعے یوم آزدی پر خوشی کا اظہار کر رہی ہے ، آسٹریلیا کے مختلف شہروں میں تقریبات منعقد کی جارہی ہیں اس حوالے سے سنئے یہ پوڈکاسٹ
تقریبات منعقد کرنے والے منتظمین کا کہنا ہے کہ اس طرح کے دن نہ صرف ہمیں ہمارے ملک سے جوڑتے ہیں بلکہ کمیونٹی کو بھی آپس میں مل بیٹھنے کا موقع فراہم کرتے ہیں
میلبرن می یوم پاکستان کے حوالے سے تقریب منعقد کرنے والے محمد عاطف خان کا کہنا تھا کہ آسٹریلیا میں اس طرح کی تقریبات کا مقصد آسٹریلین اقدار کا احترام کرنے ہوئے اپنے ملک سے ربط قائم رکھنا ہے ۔
سید اصغر نقوی جو برسبین میں یوم پاکستان کے حوالے سے تقریب منعقد کر رہے ہین کہتے ہیں کہ شہر کے قلب میں اس طرح کی تقریب منعقد کرنے کا مقصد آسٹریلیا میں موجود متنوع آبادی کو اپنے ثقافتی رنگ پیش کرنا ہے ۔
شفق جعفری کہتی ہیں کہ ہمارے دل میں پاکستان موجود ہے اور اس طرح کی تقریبات اس کے اظہار کا موقع ہیں
ساوتھ آسٹریلیا سے ناصر حسین نے بتایا کہ یوم آزادی کی تقریب منعقد کرنے کا ایک مقصد یہ بھی تھا کہ پاکستان کی یاد کے ساتھ آسٹریلیا میں موجود پاکستانی کمیونٹی کو ملنے جلنے اور سوشلائز کرنے کا موقع فرام کیا جائے
