اداکاری کے شعبے میں شوق اور جذبے کے ساتھ آئی ہوں: سمیرا صغیر

سمیرہ کا خیال ہے کہ ڈراموں میں نئی نسل کے مسائل کو اجاگر کرنے لیے مختلف موضوعات پر کام کرنا ضروری ہے اپنی گفتگو میں ان کا کہنا تھا کہ نفساتی امراض ، نوجوانوں کے لئے روزگار کے مسائل اور اپنا کیرئیر تبدیل کرنا وہ موضوعات ہیں جن کو ڈراموں میں شامل کیا جانا ضروری ہے

سمیرہ کہتی ہیں سوشل میڈیا پر انتہائی ذاتی نوعیت کی تنقید اور غیر مہذب زبان ہماری ذہنی صحت کو متاثر کررہی ہے ، ان کا کہنا ہے کہ لوگ نہ صرف تضحیک آمیز رویہ اختیار کرتے ہیں بلکہ ان معاملات پر بھی رائے دیتے ہیں جن سے ان کا تعلق نہیں ہوتا

فلموں میں اداکرای سے متعلق بات کرتے ہوئے انہوں نے کہا روایتی کرداروں سے ہٹ کر کچھ مختلف کرنے کے خواہش ہے۔ انہوں نے بتایا کہ وہ سائیکو کا پھر کسی کھلاڑی کا کردار ادا کرنے کی خواہش رکھتی ہیں ۔