پاکستان کے معروف اداکار فیصل قریشی نے ایس بی ایس اردو سے گفتگو میں اپنے تین دہائیوں پر محیط شوبز سفر، پاکستانی فلم انڈسٹری کے مستقبل، معیاری اسکرپٹس کی اہمیت اور اپنی نئی فلموں کے بارے میں کھل کر اظہارِ خیال کیا۔
فیصل قریشی کا کہنا ہے کہ شوبز میں کامیابی کا راز مسلسل سیکھنے، محنت کرنے اور ہر نئے کردار کو ایک نئے آغاز کے طور پر قبول کرنے میں ہے۔ ان کے مطابق ہر کامیابی اور ناکامی انسان کو کچھ نہ کچھ سکھا کر جاتی ہے۔
انہوں نے کہا کہ پاکستانی فلم انڈسٹری میں صلاحیت کی کمی نہیں، لیکن مضبوط کہانی، معیاری اسکرپٹ اور ناظرین کی توقعات پر پورا اترنے والی فلمیں ہی کامیاب ہو سکتی ہیں۔ ان کے بقول اچھی فلم ہمیشہ اپنا راستہ بنا لیتی ہے۔
فیصل قریشی نے اپنی آنے والی فلم "جٹ مینگو" کا بھی ذکر کیا اور بتایا کہ وہ ایک اور اردو فلم پر بھی کام کر رہے ہیں۔ انہوں نے کہا کہ پاکستان میں باصلاحیت فنکاروں کی نئی نسل سامنے آ رہی ہے، جس سے انہیں مستقبل کے حوالے سے بہت امیدیں وابستہ ہیں۔
بشکریہ :کوکب جہاں
____
ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio” کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے۔
شئیر
