امریکہ ایران کے درمیان ہونیوالے سیز فائر کا وقت ختم ہوگیا لیکن مذاکرات کے دوسرے دورے کے بارے میں ابہام برقرار ہے۔
پاکستان نے امریکہ اور ایران سے سیز فائر معاہدے میں توسیع کی باضابطہ درخواست کردی ہے۔ پاکستان نے امریکا اور ایران کے درمیان ثالثی کیلئے کوششیں مزید تیز کردی ہیں۔ اسلام آباد میں امریکا ایران مذاکرات کے دوسرے راونڈ کے حوالے سے تیاریاں مکمل کرلی گئی ہیں
اسلام آباد کی سیکورٹی انتہائی سخت کردی گئی ہے۔ دونوں ممالک کے وفود کی آمد کے پیش نظر خصوصی انتظامات کیے گئے ہیں۔ ۔
نائب وزیراعظم و وزیرخارجہ اسحاق ڈار سے امریکی ناظم الامور نیٹلی بیکر نے ملاقات کی۔ اسحاق ڈار نے زور دیا کہ فریقین جنگ بندی میں توسیع کریں اور بات چیت اور سفارتکاری کو موقع دیں۔
علیمہ خان نے جلسہ منسوخ کرنے پر اپنی ہی پارٹی کو تنقید کا نشانہ بنایا ہے۔عمران خان کی ہمشیرہ علیمہ خان نے عمران خان کی ہسپتال منتقلی کی شرط کے بغیر تحریک انصاف کا جلسہ منسوخ کرنے پر پارٹی رہنماوں کو تنقید کا نشانہ بنایا ہے۔
اپوزیشن لیڈر محمود خان اچکزئی کے پی ٹی آئی کیساتھ اختلافات کی خبریں سامنے آئی ہیں۔ جس پر چیئرمین پی ٹی آئی بیرسٹر گوہر نے کہا ہے کہ محمود اچکزئی کی ناراضگی دور کریں گے
پاک نیوی نے “تیمور” ایئر لانچڈ کروز میزائل کا کامیاب کیا ہے۔
بشکریہ: اصغرحیات۔ پاکستان
