ون نیشن کی حالیہ مقبولیت نے امیگریشن، قومی سلامتی اور کثیرالثقافتی معاشرے کو سیاسی ایجنڈے پر نمایاں کر دیا ہے، لیکن ماہرین کا کہنا ہے کہ کئی دہائیوں پرانی سیاست ایک بار پھر سامنے آ رہی ہیں۔حزبِ اختلاف کی لبرل پارٹی کے رہنما اینگس ٹیلر نے دائیں بازو کی جماعت کے ساتھ باضابطہ اتحاد کے امکان کو مسترد کر دیا ہے، لیکن ترجیحی ووٹوں کے معاہدوں کا امکان اب بھی موجود ہے۔ دوسری جانب ون نیشن کا الزام ہے کہ حزبِ اختلاف کا اتحاد اس کی پالیسیوں کی نقل کر رہا ہے۔ یہ صورتحال ون نیشن کے سیاسی عزائم کو اجاگر کرتی ہے، اور یہ سوال بھی اٹھاتی ہے کہ جماعت کا بڑھتا ہوا اثر اگلے انتخابات کو کس طرح متاثر کرسکتا ہے۔
وزیر خارجہ پینی وونگ نے لووی انسٹی ٹیوٹ میں ایک تقریر کے دوران خبردار کیا ہے کہ "یک ثقافتی معاشرہ" یاMono cultural کا نعرہ قومی سلامتی کے لیے خطرہ بن سکتا ہے۔ان کا کہنا ہے کہ آسٹریلین اب بھی جمہوریت اور کثیرالثقافتی معاشرے کو اہمیت دیتے ہیں۔
پالین ہینسن آسٹریلیا کے مائیگریشن پروگرام کو کم کر کے سالانہ ۱ لاکھ ۳۰ ہزار تک لانے کا مطالبہ کر رہی ہیں، اور ان لوگوں کے خلاف سخت کارروائی چاہتی ہیں جنہیں وہ 'غیر قانونی' قرار دیتی ہیں۔
کولیشن بھی مائیگریشن میں کمی چاہتا ہے۔ شیڈو ہاؤسنگ منسٹر اینڈریو بریگ نے خالص مائیگریشن کو کم کر کے سالانہ ۱ لاکھ ۸۰ ہزار تک لانے کی تجویز دی ہے۔کولیشن بھی مائیگریشن میں کمی چاہتا ہے۔ شیڈو ہاؤسنگ منسٹر اینڈریو بریگ نے خالص مائیگریشن کو کم کر کے سالانہ ۱ لاکھ ۸۰ ہزار تک لانے کی تجویز دی ہے۔ گرچہ امیگریشن کی اس تعداد کی ان کے ساتھیوں نے منظوری نہیں دی تھی، لیکن نیشنل پریس کلب میں تقریر کے اگلے روز مسٹر بریگ اپنے مؤقف پر قائم رہے۔
جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے
