十幾年前，一個 21 歲香港女生，坐上飛機離開熟悉的城市，降落於澳洲塔斯曼尼亞。飛機還未落地，窗外已是一片荒蕪，沒高樓、沒便利店，連間 7-11 都沒有。
Credit: Yu
原本只打算讀幾年書就回香港，沒諗過一住就半生。十幾年後，阿Yu 已經在塔州落地生根，開展自己的家庭、事業與頻道人生。
嗰刻真係有啲驚。阿Yu 回憶當年第一次踏足這個小島的感覺。
一切從「記錄生活」開始
初到塔斯，身邊沒幾個香港人，生活又靜，阿Yu 開始用 YouTube 記錄日常。
她說：「嗰時就係覺得幾特別，一個城市鄉里第一次來到一個咁荒蕪嘅地方生活，呢段經歷應該要記低。其實我完全冇諗過會變成一份職業。」
Credit: Yu
「公開」與「保留」之間的拿捏
YouTuber 的生活幾乎與鏡頭綁在一起，但阿Yu 說一直保持合適界線。
「雖然我拍生活，但唔代表要拍晒全部。我可以選擇公開幾多，背後有好多私人生活觀眾唔一定睇到。」
由大學開始經營頻道，阿Yu 已經習慣面對鏡頭。「對我嚟講，唔會覺得公開生活好唔舒服，反而覺得自然。」
不能空靠一股熱血就投身 youtuber 行業為主要收入來源。阿Yu
有趣的是，頻道上最受歡迎的片，未必是最精緻最花心機的製作。
「有啲我自己好鍾意、好花心機剪嘅片，反應反而一般；但啲我覺得好悶、平凡、好似冇乜特別內容嘅 vlog，觀眾又特別鍾意睇。」她笑說，「原來大家鍾意睇『生活』。」
Credit: Yu
在現實與理想之間創作
從全職創作者，到自己成立工作室接商業案，阿Yu 坦言逐步摸索平衡。
「我自己收入來源唔止YouTube，仲有幫客人拍廣告、設計素材、影產品相等。」
每次出片都緊張，流量唔高，品牌即刻退合作。每條片拍攝後，剪接四至五日，如果期間冇收入，真係有壓力。阿Yu 坦言壓力不少。
被問到當 YouTuber 的收入，她直言，除非大型過百萬訂閱的生意模式經營頻道，否則 Youtube 廣告分紅只是少部份，主要都是靠品牌合作。
談到商業化與真實感之間的掙扎，她直言：「我都會堅持，唔會因為廣告改變創作內容風格。產品都一定係我自己都鍾意，試過用過先會接。就算係合作，我都會諗辦法自然咁接入，而唔係圍繞產品去做。」
但她坦白，壓力不少：「每次出片都緊張，流量唔高嘅話，有啲品牌會即刻退合作。每條片拍攝之後再後期製作、剪四至五日，如果期間冇收入，真係會有壓力。」
阿Yu 直言，並不能空靠一股熱血就投身 youtuber 行業為主要收入來源。
「佢唔止係伴侶，更係戰友」
阿Yu 同老公何生拍拖多年，之後一齊移民澳洲。兩個異鄉人，由零開始，讀書、創業、買屋、組織家庭。
「喺異地生活，我哋冇屋企人，互相倚靠。其實佢唔止係我老公，更是我的戰友。」
Credit: Yu
喺異地生活，我哋冇屋企人，只可互相倚靠。何生唔止係我老公，更係我戰友。阿Yu
由戀愛對象變成拍檔，二人學識尊重彼此的節奏。
「我要剪片，佢會幫手睇小朋友；佢要做嘢，我又會幫手。唔會投訴對方冇時間陪自己，因為我哋明白彼此都係為生活打拼。」
有時當然會有磨擦，特別係生完小朋友之後：「嗰段時間真係好辛苦，身體唔穩定，做父母之後又冇得任性。不過呢啲都係成長過程，冇一段感情係完全一帆風順。」
澳洲育兒：少啲比較，多啲自在
阿Yu 有兩位小朋友，說到在澳洲湊仔，她笑言：「我冇得比較，但我覺得喺澳洲相對輕鬆，冇咁多壓力。」
初期沒有家人幫手的確困難，但後來媽媽來塔州幫忙，令佢鬆一口氣。「好多人都話我好幸運，因為好多父母喺澳洲都真係要兩個人一腳踢。」
Credit: Yu / Zara Maree Photography
有時人生會迷茫，聽下人哋嘅故事，可能會有啲靈感，或重新諗清楚自己想要嘅人生。阿Yu
從記錄自己，到記錄別人
近年，阿Yu 開始拍攝訪問片，主題是「移民故事」。
「我發現，移民嘅人生好有力量。每個人都經歷緊不同階段，有人奮鬥、有人成長，我想記錄落嚟，讓觀眾睇到生活有好多可能性。」
訪問中阿Yu 說自己的人生故事其實好單一，但她希望觀眾透過聽其他人的經歷，會令自己及觀眾都產生共鳴。
「有時你覺得自己困住，但聽人哋點樣面對，可能就有啲靈感，或者重新諗清楚自己想要嘅人生。」
相信自己嘅選擇。每個地方都有好與唔好，唔好成日比較，咬緊牙關，行落去就得。
Credit: Yu / Zara Maree Photography
給新移民的話
訪問最後，阿Yu 分享對新移民的感受：「嚟到澳洲一定會迷茫，因為大家都係想改變人生，期望高自然會有落差。」
但她語氣堅定：「相信自己嘅選擇。每個地方都有好與唔好，唔好成日比較，咬緊牙關，行落去就得。」
立即收聽今集《光影會客室》。
SBS 中文堅守《SBS 行為守則》等政策，以繁體中文及簡體中文提供公平、公正、準確的新聞報道及時事資訊。SBS 廣東話及 SBS 普通話均已為大眾服務超過 40 年。歡迎在每天早上 9 至 11 時透過 SBS Radio 1 收聽廣東話節目及在每天早上 7 至 9 時收聽普通話節目，或透過 SBS Audio App 手機應用程式收聽直播、節目重溫及其他語音內容。按此進一步了解 SBS 中文。
