Reserve Bank of Australia (RBA) nce kab theem paj ua 4.1 feem pua

Australia lub txhab nyiaj faj seeb haiv (Reserve Bank of Australia - RBA) tau txiav txim siab nce kab theem paj ntawm 3.85% mus ua 4.1%.

Reserve Bank of Australia (RBA) Governor Michele Bullock Source: AAP / BIANCA DE MARCHI/AAPIMAGE

Australia lub txhab nyiaj faj seeb haiv (Reserve Bank of Australia - RBA) tau txiav txim siab nce kab theem paj ntawm 3. 85% mu ua 4.01% lawm thiab muaj ob peb yam laj thawj vim li cas nws thiaj nce.

RBA hais tias vim tej tsov rog ntawm Middle East ua rau ''nqe roj kim thiab yog tseem ua tsov rog li no txuas ntxiv ces yuav ua rau nyiaj poob nqe tuaj ntxiv'', ces thiaj nce kab theem paj.

Jim Chalmers uas yog Australia tus nom tswj nyiaj txiaj kuj tawm tswv yim muaj ntsis sib xws li no thiab ces tej xov nce kab theem paj thiaj yog kev nyuaj siab rau ntau millions tus neeg Australia qev nyiaj yuav tsev, uas twb txom nyem heev tam sim no thiab tseem raug tej nqe roj kim tsub ntxiv vim tej tsov rog ntawm Middle East ntxiv.

Tsis tas li ntawd los raw SBS tus neeg nthuav xov xwm txog nyiaj txiaj hu ua Richardo Goncalves tau nrog Mathan Somasundaram ntawm lub koom haum Deep Data Analytics tham ces nws hais tias tos RBA nce kab theem paj hnub no los vim tias muaj tsov rog ntawm Middle East thiab Australia tej nyiaj muaj nqe heev.