Japan tus thawj pwm tsav tau muaj yeej loj tshaj plaws rau lub teb chaws no cov kev xaiv tsa uas tau ua rau nws yeej tej rooj nom ntawm tsev kis xeev qes ntau tshaj ob feem peb. Tej kws paub zoo txog Japan tej laj fai kum xeeb hais tias nws tej lus tawm tswv yim tsis ntev los no thiab nws tej tswv yim ultraconservative tau pab kom nws muaj yeeb cov kev xaiv tsa zaum no.
Nws tau qhia rau NHK tias nws yuav kub siab los tswj cov kev tsiv teb tsaws chaw, siv nyiaj kom ntau tuaj ntxiv pab tej hauj lwm tub rog thiab pab kom Japan yog lub teb chaws muaj lagluam zoo thiab ruaj khov.
Tab sis ib txhia xav tias txawm nws muaj tej rooj nom feem coob uas tej zaum yuav pab nws tsim tau cai siv tab sis kuj yuav nyuaj rau cov kev kho tej cai vim yuav tsum tau txais kev pom zoo feem coob txog li ob feem peb ntawm tsev kis xeev siab.
Ua ke no los tej hluas neeg Japanese hais tias cov kev xaiv tsa no tsis kub siab txog lawv thiab lawv tej lus tawm tswv yim los yog zoo li tej hluas yeej tsis kub siab txog tej laj fai kum xeeb lawm.
Zejzog pej kum haiv kuj tseem tos saib tias seb Ms Takaichi yuav ua li cas ntxiv, vim xam tias nws yog ib tug poj niam muaj fwj chim thiab yuav tawm tsam Suav yog tias Suav tseem siv zog tub rog nias tsam Taiwan, thiab nws yuav xav thov kho nws tej cai Pacifist uas tau siv txij tau swb tsov rog ntiaj teb zeeg ob los.
Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.
