केही केसहरूको श्रोतको अनुसन्धान हुँदै गर्दा, आवश्यक परेमा प्रतिबन्धहरू कडा गरिने र लकडाउन पनि एक विकल्प रहेको राज्यकी प्रिमियर ग्लाडिस बेरेजिक्लियनले बताएकी छिन्।
मास्क नलगाए जरिवानाको चेतावनी
NSW polis memurları maske kullanıyor. Source: Getty
न्यु साउथ वेल्स प्रहरीका डेपुटी कमिस्नर ग्यारी वारबोइजले मास्क लगाउन जारी गरिएको घोषणा नमाने अब जरिवाना गरिन सकिने बताएका छन्।
बिहीवार सिड्नीमा आयोजित कोभिड-१९ महामारी सम्बन्धी पत्रकार सम्मेलनका क्रममा उनले भने कि राज्य प्रहरीले मास्क लगाउनुपर्ने स्थानहरूमा बिना मास्क हिँडेका १५० जनालाई अहिलेसम्म चेतावनी दिएर छाडेको छ।
तर अब भने राज्य प्रहरीले "सामान्य शिक्षा" भन्दा नियम पालना गराउन र तिनको उल्लङ्घन भए कारबाही गर्न अग्रसर हुने उनले बताएका छन्।
Source: SBS Nepali
"निश्चित रूपमा अब केही मानिसहरू जिस्किन खोज्न थालेका छन् वा नियमको बर्खिलापमा जान उद्धत छन्," उनले भने।
"त्यस्ता व्यक्तिहरूलाई प्रहरीले सोधपुछ गर्नेछ र चेतावनीको सट्टा सजाय सहितको सूचना जारी गरिनेछ।"
