दृष्टिविहीन मानिसहरूको सहयोग गर्ने उद्देश्यका साथ विश्व पैदल यात्रामा निस्किएका अस्ट्रेलियन नागरिक एलेक्ज्यान्डर ‘ज्यान्’ क्याम्पबेल नेपालमा रहेका बेला एसबीएस नेपालीका लागि प्रयास दुलालले गरेको कुराकानी सुुन्नुहोस्।
क्याम्पबेलले हामीसँगको उक्त कुराकानीका क्रममा आफू चार वर्षमा ३० वटासम्म देश पुगेर फ्रेड हलोज फाउन्डेसनलाई मद्दत गर्ने बताएका छन्।
ज्यान्ले काठमाण्डूस्थित तिलगंगा आँखा प्रतिष्ठानको अवलोकन गर्दै डाक्टर सन्दुक रुइतसँग पनि भेटघाट गरेका थिए।
यही सन्दर्भमा, नेपालमा आँखा उपचारको थप सहज पहुँचका लागि फ्रेड हलोज फाउन्डेसनका भावी योजनाका बारेमा डाक्टर रुइतले एसबीएस नेपालीलाई बताएका छन्।
यता सिड्नीस्थित फाउन्डेसनकी ब्रान्ड एन्ड कम्युनिकेसन्स डिरेक्टर एलिसन हिल भन्छिन् कि सन् १९८० को दशकदेखि सुरु भएको डा रुइत र प्रोफेसर फ्रेड हलोज बिचको मित्रता र सहकार्यले आज पनि अस्ट्रेलिया र नेपालको सम्बन्धलाई अगाडी बढाइरहेको छ।
हाम्रा थप अडियो प्रस्तुतिहरू पोडकास्टका रूपमा उपलब्ध छन्। यो नि:शुल्क सेवा प्रयोग गर्न तपाईंले आफ्नो नाम दर्ता गर्नु पर्दैन। पोडकास्टमा सामाग्री उपलब्ध हुनासाथ सुन्न यहाँ थिच्नुहोस्।Share
