පසුගිය දශකය තුළ ඔස්ට්රේලියාවේ ධනවත් පුද්ගලයින් තවත් ධනවත් වී ඇති නමුත් මධ්යම සහ අඩු ආදායම් ලාභීන් ගේ ආදායම වැඩිවී ඇත්තේ ඉතා සුළු වශයෙන් බව නවතම වාර්තාවක් පෙන්වා දෙයි.
SBS සිංහල සේවය සඳුදා, අඟහරුවාදා, බ්රහස්පතින්දා, සිකුරාදා පෙ.ව 11 සිට 12 දක්වා (ඕස්ට්රේලියානු වේලාවෙන්)
සජීවීවසහපසුව online අහන්න - www.sbs.com.au/sinhalese
SBS Radio APP එකෙන් (Free download)
ඔස්ට්රේලියාවේ මුදල් ගැවසීම සහ දේපළ හිමිකම් පිළිබඳ මෙහිදී වැඩි අවධානයක් යොමු කර තිබේ.
බහුතරයකගේ ආදායම සුළුතරයක් ධනවතුන් විසින් පාලනය කරයි
වර්තමානය වන විට ඔස්ට්රේලියාවේ පවුල් ඒකකයක වටිනාකම ඩොලර් මිලියනයකට වඩා වැඩි බව තක්සේරු කර තිබේ.
නමුත් එම අගය බොහෝ විට ධනවත් පුද්ගලයින් විසින් පාලනය කරන සෙයක් දක්නට ලැබෙන බව සඳහන්.
ඒ අනුව ඔස්ට්රේලියාවේ 60% කගේ පමණ පවුල් වල ආදායම් සහ වත්කම් පාලනය කරනු ලබන්නේ 20% ක්වූ ධනවත් පිරිසක් විසින් බව පෙනී ගොස් ඇත.
ඔස්ට්රේලියානුවන්ගේ අතේ ගැවසෙන මුදල් ප්රමාණය සාපේක්ෂව ඉතා අවම මට්ටමක පවතින බවත් ඔවුන් හට සාමන්යයෙන් දේපළ පිළිබඳ විශාල බලාපොරොත්තුවක් ඇති බවත් වාර්තා වේ.
ඒ අනුව බහුතරයක් ඔස්ට්රේලියානුවාසීන් තමන්ගේ නිවාස හා දේපළ වටිනාකම සහ superannuation ශේෂය පිළිබඳ වැඩි විශ්වාසයක් තබා තම ආර්ථික සශ්රීකත්වය පිළිබද අපේක්ෂාවෙන් සිටියි.
ඒ හේතුව නිසාම ඔවුන්ගේ ආර්ථික වර්ධනය එක තැන පල්වීමක් දක්නට ඇතැයි මෙම වාර්තාව පවසයි.
පවුල් ඒකකයක වටිනාකම
වසර 2017/18 වන විට ඔස්ට්රේලියාවේ පවුල් ඒකකයක වටිනාකම සාමාන්යයෙන් ඩොලර් මිලියන 1.02ක් බව ඔස්ට්රේලියානු සංඛ්යාලේඛන කාර්යාංශයේ ප්රධාන ආර්ථික විද්යාඥ Bruce Hockman පවසයි.
එම අගය වසර 2005/06 කාලයේ $749,000 ක්වූ බවද සඳහන්.
වසර 2005/06 පටන් මේ දක්වා කාලය තුළ ඔස්ට්රේලියානු නිවාස වෙළෙඳ පොළේ නැග්මක් ඇතිවුණු අතරම superannuation ශේෂය ද දෙගුණ වී ඇති බව ආර්ථික විද්යාඥ Bruce Hockman පවසයි.
එසේ නමුත්, ඔස්ට්රේලියාවේ ඒක පුද්ගල ආදායම් වර්ධනය දුර්වල මට්ටමක පවතින බව ඔහු පැහැදිලි කරයි.
පසුගිය දශකයේ හටගත් ගෝලීය ආර්ථික අර්බුදය තෙක් ඔස්ට්රේලියාවේ ඒක පුද්ගල අදායම් වර්ධනය $220 කින් පමණ සිදුවූ නමුත් ඉන් අනතුරුව ගතවූ වසර 10 තුළ එය වැඩිවී ඇත්තේ සාමාන්යයෙන් සතියකට $44 කින් පමණි.
