මෙල්බර්න් නුවර නිවසක් කුලියට ගන්නා විට මේ නගර පිළිබඳ සැළකිලිමත් වෙන්න. (SBS සිංහල/වාර්තා)

මෙල්බර්න් නුවර ඇතුළු නගරයක පිහිටි කාමර 3 ක නිවසක් කුලියට ගෙන ජීවත් වන පවුලකට නිවාස සම්බන්ධ ආර්ථික පීඩනයක් නොමැතිව ජීවත්වීමට නම් වසරකට ඩොලර් 130,000 ක ආදායමක් ලැබිය යුතු බව එම වාර්තාව පෙන්වා දෙයි.

Melbourne's most & least affordable suburbs to rent.

Source: AAP

ඔස්ට්‍රේලියාවේ නිවාස ණය, නිවාස කුලිය සහ ගෘහස්ත ආදායම පිළිබඳ මූලිකවම අවධානය යොමු කෙරෙන The Affordable Housing Income Gap වාර්තාව පසුගිය සතියේදී එළි දැක්විණි.

එම වාර්තාවට අනුව මෙල්බර්න් නුවර ඇතුළු නගරයක පිහිටි කාමර 3 ක නිවසක් කුලියට ගෙන ජීවත් වන පවුලකට නිවාස සම්බන්ධ ආර්ථික පීඩනයක් නොමැතිව ජීවත්වීමට නම් වසරකට ඩොලර් 130,000 ක ආදායමක් ලැබිය යුතු බව පෙන්වා දෙයි.

සාමන්‍ය නිවැසියෙකු වසරකට ලබන ආදයාමට වඩා එම අගය ඩොලර් 50,000 කින් පමණ ඉහළ බවද එම වාර්තාව පෙන්වා දෙයි.

එමෙන්ම මෙල්බර්න් නුවර ඇතුළු නගරයක පිහිටි කාමර 3 ක නිවසක් කුලියට ගෙන ජීවත් වන පවුලකට නිවාස සම්බන්ධ ආර්ථික පීඩනයක් නොමැතිව ජීවත්වීමට නම් වසරකට ඩොලර් 93,600 ක ආදායමක් ලැබිය යුතු බවද The Affordable Housing Income Gap වාර්තාව අනාවරණය කරයි.

නිවාස සම්බන්ධ ආර්ථික පීඩනය මැනීම

The Affordable Housing Income Gap වාර්තාවට අනුව නිවැසියන් තම ආදායමෙන් 30% කට වඩා තම නිවාස ණය හෝ කුලිය ගෙවනු ලබනවා නම් ඔවුන් හට නිවාස සම්බන්ධ ආර්ථික පීඩනයක් පවතී.

මෙල්බර්න් නුවර අධික නිවාස කුලියෙන් මිදීමක් වශයෙන් මෙල්බර්න් නගරයේ සිට සැලකිය යුතු දුරකින් පිහිටි නගර වල කුලී නිවාස තෝරාගැනීම හෝ එක් කාමරයක් පමණක් සහිත apartment එකක් තෝරාගැනීම හෝ යෝග්‍ය බව Compass Housing හි Martin Kennedy, ABC පුවත් වෙබ් අඩවියට පැවසීය.

නමුත් බොහෝ පිරිස් මෙම නිවාස සම්බන්ධ ආර්ථික පීඩනය දරාගෙනම ජීවත්වන බව ඔහු පෙන්වා දෙයි.