ඔස්ට්රේලියාවේ කොරෝනා ආසාදනය වීම් පාලනය කරගැනීමට නොහැකි වුවහොත් ක්වීන්ස්ලන්ත ප්රාන්තයේ ප්රාන්ත සීමාවන් තව දුරටත් වසා දැමීමට සිදුවනු ඇතැයි ක්වීන්ස්ලන්ත ප්රාන්ත රජය පවසයි.
SBS සිංහල සේවය
සඳුදා, අඟහරුවාදා, බ්රහස්පතින්දා, සිකුරාදා පෙ.ව 11 සිට 12 දක්වා (ඕස්ට්රේලියානු වේලාවෙන්)
සජීවීවසහපසුව online අහන්න - www.sbs.com.au/sinhalese
SBS Radio APP එකෙන් (Free download)
එසේ වුවහොත් එළඹෙන සැප්තැම්බර් මාසයටත් එහා වුවද ක්වීන්ස්ලන්ත ප්රාන්ත සීමාවන් වසා දැමීමට සිදුවනු ඇතැයි සඳහන්.
ක්වීන්ස්ලන්ත ප්රාන්ත සීමාවන් වසා දැමීම
සානුකම්පිත හේතු මත විනා කිසිදු පිටස්තරයකුට මේ කාලයේදී ක්වීන්ස්ලන්ත ප්රාන්තයට ඇතුළුවීමට ඉඩ ලබා නොදෙන බව ක්වීන්ස්ලන්ත ප්රාන්ත රජය පවසා තිබුණි.
එම තීරණයට ක්වීන්ස්ලන්ත ප්රාන්තයේ ප්රධාන සෞඛ්ය නිලධාරිනී වෛද්ය Jeannette Young ද සිය සහයෝගය පළ කළාය.
ක්වීන්ස්ලන්ත ප්රාන්ත සීමාවන් විවෘත කරන ලෙසට ප්රාන්තයේ සංචාරක කර්මාන්ත දැඩි ලෙස ප්රාන්ත රජයට බල කර සිටියි.
මන්ද ක්වීන්ස්ලන්ත ප්රාන්තයේ ප්රධාන ආදායම් මාර්ගයක් වන්නේ සංචාරක කර්මාන්තය වන නිසාවෙනි.
ක්වීන්ස්ලන්ත ප්රාන්ත සීමාවන් පාලනය කිරීම මේ කාලයේදී ඉතා ප්රවේශමෙන් සිදුකළ යුතු බවද ඇය පැවසුවාය.
එළඹෙන ජූලි මාසයේ සිට ප්රාන්ත සීමාවන් විවෘත කිරීම සඳහා කුඩා හෝ අවස්ථාවක් ඇති නමුත් දැනට පවතින තත්ත්වය අනුව එය විය නොහැකි බවද ක්වීන්ස්ලන්ත ප්රාන්තයේ ප්රධාන සෞඛ්ය නිලධාරිනී වෛද්ය Jeannette Young පැවසුවාය.
සංචාරක කර්මාන්තයට මෙය යථාවක් කරගැනීමට අවශ්යනම් සැප්තැම්බර් මාසය තෙක් ඉවසා සිටිය යුතු වන බවද ඇය අවධාරණය කළාය.
ක්වීන්ස්ලන්ත ප්රාන්තය කොරෝනා නීති ලිහිල් කරයි
පසුගිය මැයි 15 වන දිනෙන් පසුව ක්වීන්ස්ලන්ත ප්රාන්ත රජය තම ප්රාන්තය වෙත පනවා තිබූ ඇතැම් කොරෝනා නීති ලිහිල් කළේය.
ඒ අනුව නිවසේ වෙසෙන පුද්ගලයින් හැර තම නිවසට අමුත්තන් 5 දෙනෙකු දක්වා ගෙන්වා ගත හැකි අතර එළිමහනේ පුද්ගලයින් 10 දෙනෙකු දක්වා රැස්වීමට අවසර ලැබේ.
තවද විනෝදාස්වාදය සඳහා තම නිවසේ සිට කිලෝමීටර් 150 ක දුරක් යා හැකි අතර Outback කලාප වාසීන්ට තම නිවසේ සිට කිලෝ මීටර් 500 ක් දක්වා යා හැකිය.
මේ වන විට ක්වීන්ස්ලන්ත ප්රාන්තයේ සක්රිය කොරෝනා ආසාදිතයින් 12 දෙනෙකු සිටින අතර මෙතෙක් වාර්තාවූ මුළු කොරෝනා ආසාදිතයින් සංඛ්යාව 1058 කි.
කොරෝනා වසංගතය නිසා පීඩාවට පත්ව සිටින ක්වීන්ස්ලන්ත ප්රාන්ත වාසීන්ට සහන පැකේජ කිහිපයක් ඊයේ පාර්ලිමේන්තුවේදී සම්මත විය.
එහිදී ඩොලර් මිලියන 50 ක් සංචාරක කර්මාන්තය සඳහාද ඩොලර් මිලියන 10 ක් ජාත්යන්තර සිසුන් සහ සුළු පරිමාන ව්යාපාර සඳහාද වෙන් කෙරුණි.
