این ڈی آئی ایس میں ہونے والی تبدیلیاں آپ پر کیسے اثر انداز ہوں گی؟

درخواست دہندگان کی عملی صلاحیت کا تعین کرنے کے لیے ایک نئے ٹیسٹ کے تحت مرحلہ وار جائزہ لیا جائے گا۔ یہ ٹیسٹ ابھی تیار کیا جا رہا ہے اور موجودہ تشخیص پر مبنی ماڈل کی جگہ لے گا۔سینیٹ کی اچانک قائم کی گئی تحقیقات میں چار ہزار پانچ سو سے زیادہ تجاویز موصول ہونے اور حقوق کے حامیوں کی مسلسل مہم کے بعد حکومت نے بل منظور کروانے کے لیے اپوزیشن کے ساتھ معاہدہ کیا۔پیپل ود ڈس ایبلٹی آسٹریلیا کی قائم مقام چیف ایگزیکٹو میگن اسپنڈلر اسمتھ کا کہنا ہے کہ ان کی کمیونٹی کو ان تبدیلیوں سے سخت دھچکہ لگا ہے۔

وزیرِ صحت مارک بٹلر کا کہنا ہے کہ اخراجات میں اضافے کو قابو میں لانا اسکیم کی مالی پائیداری اور سماجی قبولیت کے تحفظ کے لیے ضروری تھا۔دو ہزار تیرہ سے شروع ہونے والی اس اسکیم کی لاگت میں بہت زیادہ اضافہ ہوا ہے، جو اس سال پچاس ارب ڈالر تک پہنچ گئی ہے، جبکہ اندازہ ہے کہ ایک دہائی کے اندر یہ ایک سو ارب ڈالر تک پہنچ جائے گی۔

حکومت کا کہنا ہے کہ نئی اصلاحات سےاسکیم کو محدود کیا جائے گا جس سے اگلے چار سالوں میں تقریباً اڑتیس ارب ڈالر کی بچت کریں گی۔ گرینز کے رکنِ پارلیمنٹ جورڈن اسٹیل جان کا کہنا ہے کہ مالی لاگت پر توجہ دینے کی وجہ سے بہت سے معذور افراد خود کو بوجھ محسوس کرنے لگے ہیں۔ایک تکنیکی ورکنگ گروپ اس سال اور اگلے سال تک حکومت کو نئے تشخیصی طریقۂ کار کے بارے میں مشورہ فراہم کرے گا۔ نئی قانون سازی کا پانچ سال کے اندر قانونی جائزہ لیا جائے گا۔

ہر بدھ اور جمعہ کا پورا پروگرام اس لنک پرسنئے , اردو پرگرام سننے کے دیگر طریقے SBS Audio کے نام سے موجود ہماری موبائیل ایپ ایپل (آئی فون) یا اینڈرائیڈ , ڈیوائیسزپرانسٹال کیجئے۔ پوڈکاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم کا انتخاب کیجئے:  Spotify Podcast , Apple Podcasts