پاکستانی نژاد آسٹریلین جناب محمد علی گذشتہ تقریبا دس سال سے ہیلپنگ ہینڈ آسٹریلیا (اے سی ٹی ) کے تحت خدمت خلق کا فریضہ انجام دیتے ہیں ۔ ان کو اس سال آرڈر آف آسٹریلیا سے نوازا گیا ہے۔ ان کا کہنا ہے کہ تارکین وطن افراد میں بھی خدمت خلق کا بھر پور جذبہ موجود ہے۔
آسٹریلیا ایک ایسا معاشرہ ہے جہاں تارکین وطن افراد ہر شعبے میں اپنا کردار احسن انداز میں نبھا رہے ہیں۔
ایسی ہی ایک شخصیت ہیں ہیلپنگ ہینڈ آسٹریلیا (اے سی ٹی) سے وابستہ جناب محمد علی صاحب جو گذشتہ آٹھ سے دس سال سے ان افراد کو کھانا فراہم کرنے کا بیڑہ اٹھائے ہوئے ہیں جو مشکل حالات سے دوچار ہیں۔
جناب محمد علی نے ایس بی ایس اردو سے خصوصی گفتگو کرتے ہوئے کہا کہ ان کو جب اس اعزاز کے حوالے سے علم ہوا تو ان کی خوشی کی کوئی انتہا نہیں تھی۔
انہوں نے کہا کہ خدمت خلق کے جذبے سے سرشار نوجوانوں کو یہ یاد رکھنا چاہئے کہ کسی کی بھی نیک نیت سے کیا گیا عمل کبھی رائیگاں نہیں جاتا۔
___________________________
ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio” کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے۔
شئیر
