وزیر داخلہ ٹونی برک نے اتوار کے روز ملک بھر کے بڑے شہروں میں ہونے والے مارچ کی مذمت کرتے ہوئے اسے "سماجی ہم آہنگی کو تقسیم کرنے اور کمزور کرنے" کے طور پر بیان کیا ہے۔ آسٹریلیا میں مارچ سے قبل کچھ بھارتی بااثر افراد اور کمیونٹی رہنماؤں نے آسٹریلیا میں مقیم تارکین وطن پر زور دیا ہے کہ وہ گھر پر رہتے ہوئے خود کو محفوظ رکھنے کی کوشش کریں
ہر تین میں سے ایک آسٹریلوی بیرون ملک پیدا ہوا ، زیادہ تر کا تعلق برطانیہ سے تھا ، اس کے بعد ہندوستان ، چین اور پھر نیوزی لینڈ کا نمبر آتا ہے۔ یہ کئی دہائیوں کے عرصے میں بیرون ملک آنے والوں کی تعداد میں اضافے کا نتیجہ ہے ۔
آسٹریلوی شہریوں کے ایک گروپ کا کہنا ہے کہ اب اس کے خاتمے کا وقت آ گیا ہے۔ نامعلوم اور غیر شفاف تحریک مارچ فار آسٹریلیا کے منتظمین کی جانب سے بڑے پیمانے پر نقل مکانی کے خاتمے اور آسٹریلیا کی شناخت کی بحالی کا مطالبہ کر رہی ہے۔
گزشتہ دہائی میں بھارت سے آسٹریلیا آنے والوں کی تعداد میں سب سے زیادہ اضافہ ہوا ہے – اور کمیونٹی اپنے ممبروں پر ان مارچوں کے اثرات کے بارے میں فکرمند ہے۔
____
جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے,
شئیر
