پاکستان رپورٹ:حکمراں اتحاد میں اختلافات اور سابق سنیٹر مشتاق احمد کی رہائی، اسرائیلی جیل میں تشدد کا الزام

حکمران اتحاد میں دراڑیں، ن لیگ اور پیپلزپارٹی کی لفظی جنگ شدت اختیار کرگئی، پی ٹی آئی کی پیپلزپارٹی کو تحریک عدم اعتماد میں شمولیت کی پیشکش، عمران خان عدالت میں پیش نہ ہوئے، کارکنان کے وارنٹ گرفتاری جاری، آزاد کشمیر میں حالات معمول پر، سابق سینیٹر مشتاق احمد کا اسرائیلی جیل میں بدترین تشدد کا الزام۔ مزید جانئے اس پود کاسٹ میں۔

PML-N and PPP (Supplied Pakistan Foreign Office)

پنجاب اور سندھ حکومتوں کے درمیان سیلاب متاثرین کی امداد کے معاملے پر شروع ہونیوالا تناو شدت اختیار کرگیا ہے۔ بات لفظی گولہ باری سے بڑھ کر ایوان سے بائیکاٹ تک آگئی ہے۔

epa10176067 United Nations Secretary-General Antonio Guterres (L), Pakistan's Prime Minister Shehbaz Sharif (C) and Foreign Minister Bilawal Bhutto Zardari (R) meet internally displaced flood-affected areas people during their visit to Larkana, Sindh province, Pakistan, 10 September 2022. Floods in Pakistan since mid-June, has killed over 1,300 people as authorities struggle to distribute aid. The UN secretary-general arrived in Pakistan after launching a 160 million US dollars flash appeal to help the country deal with unprecedented monsoon rains and floods. The government has claimed that the devastating flooding has caused estimated damage of 10 billion US dollars. EPA/WAQAR HUSSAIN Source: EPA / WAQAR HUSSAIN/EPA

پیپلزپارٹی نے قومی اسمبلی اور سینیٹ اجلاسوں کا بائیکاٹ جاری رکھا ہے اور مریم نواز سے معافی کا مطالبہ کیا ہے۔ وزیراطلاعات پنجاب اعظمی بخاری نے کسی قسم کی معافی کے امکان کو رد کردیا ہے۔ صدر آصف علی زرداری نے دونوں حکومتوں کے درمیان تناو کم کرنے کیلئے وفاقی وزیر داخلہ کو کردار ادا کرنے کی ہدایت کی ہے۔

Pakistan Muslim League - N leader Maryam Nawaz is leading a movement that seeks the resignation of prime minister Imran Khan. Source: AP / AP/Anjum Naveed

پاکستان تحریک انصاف نے اس معاملے کو ن لیگ اور پیپلزپارٹی کی نورا کشتی قرار دیا ہے۔ اسد قیصر نے کہا کہ اگر پیپلزپارٹی سنجیدہ ہے تو ہمارے ساتھ مل کر عدم اعتماد لے آئے۔

جی ایچ کیو حملہ کیس میں سابق وزیراعظم عمران خان نے عدالت میں پیش ہونے سے انکار کر دیا۔ عدالت کی جانب سے عمران خان کو پیش ہونے کے لیے تین بار پیغام بھیجا گیا۔ جیل انتظامیہ نے عدالت کو بتایا کہ عمران خان نے پیش ہونے سے انکار کر دیا ہے اور ان کا کہنا ہے کہ طبیعت ناساز ہے۔انسداد دہشتگردی عدالت کے جج نے وکلا کے دلائل سننے کے بعد کیس کی سماعت بغیر کسی کارروائی کے 20 اکتوبر تک ملتوی کر دی۔

پاکستان کے زیر انتظام کشمیر میں پرتشدد مظاہروں کے بعد اب زندگی معمول پر آگئی ہے۔چھ روز تک جاری رہنے والے احتجاجی مظاہروں میں ایک درجن کے قریب افراد جاں بحق ہوگئے تھے۔ جن میں تین پولیس اہلکار بھی شامل ہیں۔

Credit: Ministry of Foreign Affairs, Pakistan

سابق سینیٹر مشتاق احمد اسرائیل کی جیل سے رہا ہونے کے بعد اردن پہنچ گئے ہیں۔یاد رہے کہ اسرائیل نے گزشتہ روز گلوبل صمود فلوٹیلا کے مزید 131 ارکان ڈی پورٹ کیا جن میں مشتاق احمد بھی شامل تھے۔سوشل میڈیا پلیٹ فارم ایکس پر جاری بیان میں مشتاق احمد نے کہا کہ 150 ساتھیوں کے ساتھ اردن پہنچ چکا ہوں، انہون نے کہا کہ 5 دن اسرائیل کے ایک صحرا میں واقع بدنام زمانہ نیگیوڈیزرٹ جیل میں رہے، اس دوران ہمارے ہاتھ پیچھے باندھے گئے، آنکھون پر پٹیاں اور پاؤں میں بیڑیاں ڈالی گئیں۔

بشکریہ: اصغرحیات۔ پاکستان

___

جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے۔