استاد رفاقت علی خان: شام چوراسی گھرانے سے عالمی موسیقی تک کا سفر

استاد رفاقت علی خان کہتے ہیں کہ شام چوراسی گھرانے کی صدیوں پرانی روایت اور گھر میں ملنے والی کلاسیکی تربیت نے ان کے فن کو بنیاد فراہم کی۔ ان کے مطابق ہندوستان میں معروف فنکاروں کے سامنے گانا اور جشن ریختہ میں ہزاروں لوگوں کے سامنے غزل پیش کرنا ان کے یادگار تجربات میں شامل ہے۔

استاد رفاقت علی خان کا کہنا ہے کہ کلاسیکی موسیقی بدلتے وقت اور نئی ٹیکنالوجی کے باوجود کبھی ختم نہیں ہو سکتی، کیونکہ غزل، قوالی اور دیگر اصناف کی بنیاد میں اس کے عناصر موجود ہیں۔ وہ نئی نسل کو شہرت کے پیچھے بھاگنے کے بجائے فن سیکھنے اور اپنے کام پر توجہ دینے کا مشورہ دیتے ہیں، جبکہ پاکستان میں فن اور ثقافت کے لیے مزید ادارہ جاتی معاونت کی ضرورت پر بھی زور دیتے ہیں۔